ئەڤرۆ دكتور عەلی تەتەر پارێزگهرێ دهۆکێ پێشوازیی ل شاندەکێ هەڤپشکێ پەرلەمانێ کوردستانێ و جڤاتا نوینهرێن عیراقێ كر کو شاندێ پهرلهمانێ كوردستانێ پێكهاتى بون ژ لیژنا پێشمەرگە و ئاسایش و ناڤخۆ و ساخلهمى و ژینگەهـ و شاندەکێ جڤاتا نۆینەرێن عیراقێ پێكهاتى بون ژ لیژنا ئاسایش و بەرەڤانیێ و لیژنا دیڤچوونا حکۆمەتێ .
د ههڤدیتنهكێ دا ئالۆزیێن دەڤەرێن سنۆری دناڤبەرا چەکدارێن پەکەکێ و لەشکەرێ تۆرکیا و هێرشا چەکدارێن پەکەکێ بۆ سەر هێزێن پێشمەرگێ کوردستانێ و شەهیدبوونا شەش پێشمەرگێن قەهرەمان و برینداربوونا هژمارەکا پێشمەرگێن کوردستانێ دڤێ حەفتیێدا و بابەتێ بڕینا دارێن دەڤەرێن سنۆری دان وستاندن لسهر هاتهکرن.
پارێزگارێ دهۆکێ دپەیڤەکێدا راگەهاند ئەم ب هیچ رەنگەکی دگەل هەبوونا چ هێزێن چەکداری دسنۆرێ پارێزگەها دهۆکێدا نینین کو ل دەرڤەیی قانون و شەرعیەتێ زۆرداریێ ل ئاخ و خەلکێ هەرێما کوردستانێ دکەن و دخوازین دەڤەرا مە نەکە گۆرەپانا ڤاڤارتنێن لەشکەریی و حساباتێن خۆ و ژ ئاخا مە دەرکەڤن، و داخواز ژ هەردوو لیژنان کر ژنێزیک وان دەڤەران ببینن و ژیوارێ وان دەڤەران بگەهینە جڤاتا نۆینەرێ عیراقێ ل دویڤ دەستور و قانونێن کۆمارا عیراقا فیدرال و پەرلەمانێ کوردستانێ سەروەریا ئاخا هەرێما کوردستانێ بپارێزن: