ئەڤرو ئامادەبونا شمعون شلیمون ایشو جێگرێ پارێزگه‌رێ دهوکێ و ماجد سەید سالح جێگرێ پارێزگه‌رێ دهوکێ بو کاروبارێن تەکنیکی ب وەکالەت و دكتور شێرزاد حەمید رێڤەبەرێ رێڤەبەریا گشتى یا جاڤدێری و گەشەپێدانا جفاکی، هەروەسان ب ئامادەبونا نوینەرێن هەمی وان سازیێن پەیوەندی ب پاراستنا زاروکان ڤە هەی، کومبونا بەرفرەهــ یا لژنا بلند یا پاراستنا زاروکان هاتە ئەنجامدان
د کومبونێ دا بەحس ل چاوانیا میکانزمەکا ساخلەم هاتەکرن ژبو پاراستنا وان زاروکێن لسەر جادەیان خازوکیێ دکەن و یێن دناڤ ئاڤاهی و بازاران دا کار پێ دهێتەکرن و دیڤچونا وان کەسێن زاروکان بکاردئینن بو کارێن خازوکیێ و ئاماژە ب وێ چه‌ندێ هاتەدان کو ژ دەرئەنجامێ دیڤچون و کومبونێن به‌رێ یێن لیژنا بلند چەند کەسەك ژوان هاتینە دەستەسەرکرن یێن زاروکان بکار دئینن و هاتینە ره‌وانەکرن بو جهێن قانونى و لایه‌نێن په‌یوه‌ندیدار
لدویڤدا بەحس ل پروژێ دیڤچونێ هاتەکرن کو دێ پروژەیەك بیت ب سەرپەرشتیا لیژنا بلند یا پارێزگەهێ و هەڤکاری و هەماهەنگیا دەزگه‌هێن دناڤ لیژنێ دا و رێکخراوا ئاى ئێل ئو یا دەولەتی و رێکخراوا مندال پارێزی کوردستان
هەژی گوتنێ یە د کومبونێ دا شمعون شلیمون إیشو جێگرێ پارێزگه‌رێ دهوکێ وه‌ك سەروکێ وێ لیژنێ هاته ده‌ست نیشانكرن
