ئه‌ڤرو لیژنا بلندا روی ب روی بوونا كورونایێ ب سه‌رپه‌رشتیا وه‌زیرێ نافخویا حكومه‌تا هه‌رێما كوردستانێ كومبوونه‌ك ئه‌نجامدا و چه‌ند بریارێن نوى سه‌باره‌ت ره‌وشا كورونایێ ل هه‌رێما كوردستانێ ده‌رئێخستن.
لیژنا بلندا روی ب روی بونا كورونایێ بریاردا پروسا خواندنێ ل ناڤه‌ندێن خواندنێ ل هه‌رێما كوردستانێ به‌رده‌وامبیت ب به‌رچاڤكرنا مه‌رجێن خوپاراستنێ و لبه‌ركرنا ماسكان هه‌روه‌سا قه‌ده‌غا هاتن و چونێ ناهێته راگرتن به‌لێ رێكارێن خوپاراستنا دێ توندتر بن و هه‌ركه‌سه‌ك ل جهێن گشتی ماسكی لبه‌رخو نه‌كه‌ت دێ روی ب روی لێپرسینا قانونی بن و ده‌رباره‌ی هاتن و چوونا شوفێران و گه‌شتیاران ل بازگه‌هێن دناڤبه‌را هه‌رێما كوردستانێ و ده‌ڤه‌رێن ناڤه‌راستێن عیراقێ پشكنینا كورونایێ دێ هێته‌كرن و بێ پشكنین نابیت چ كه‌س بهێته دناڤ هه‌رێما كوردستانێ دا .
