له‌شكرێ عیراقێ راگه‌هاند ، كو ره‌وشا باژێرێ به‌غدا یێ ئارامه و دووپاتیێ ل وێ چه‌ندێ دكه‌ت كو چ هه‌ره‌شه لسه‌ر پایته‌ختێ عیراقێ نینه
دڤى بیاڤى دا لیوا ته‌حسین خه‌فاجى ئاخفتنكه‌رێ فه‌رمانده‌یا ئوپراسیونا هه‌ڤپشك ل عیراقێ د داخویانیه‌‌كێ دا بو روژنامه‌ڤانان ئاماژه ب وێ چه‌ندێ دا كو نوكه ره‌وشا ئه‌منى یا باژێرێ به‌غدا سه‌قامگیر و ئارامه و گوت فه‌رمانده‌یێ ئوپراسیونێن به‌غدا دگه‌ل هێزێن ئه‌منى یێن دى ، ره‌وشا به‌غدا دێ پارێزن و رێكێ ناده‌ن چ لایه‌نه‌ك ره‌وشا باژێرى تێك بده‌ت
گوت ژى ، هێزێن فه‌رمانده‌یا ئوپراسیونا هه‌ڤپشك بزاڤێن خو باشتركرینه ب ئارمانجا تێكدانا وان گروپان كو هه‌ولبده‌ن ب هێرشێن موشه‌كان ئارمانجێن گرنگ ل به‌غدا بكه‌نه ئارمانج
ئه‌ڤه ژى پشتى وێ چه‌ندێ هات كو دوهى فه‌رمانده‌یه‌كێ عه‌سائیب ئه‌هل ئه‌لحه‌ق سه‌ر ب حه‌شدا شه‌عبى ب ناڤێ حوسام ئه‌زیر جاوى دگه‌ل ژماره‌یه‌كا هاریكارێن وى ل روژهه‌لاتێ به‌غدا ژلایێ هێزێن ئه‌منى ڤه ب تومه‌تا تێكدان د ئاراستكرنا موشه‌كێن كاتیوشا بو سه‌ر ده‌ڤه‌را كه‌سك ده‌سته‌سه‌ركرینه.
