دكتور كه‌مال كه‌ركوكى سه‌روكێ جڤاتا سه‌ركردایه‌تیا كه‌ركوك و گه‌رمیان یێ پارتى دیموكراتى كوردستان راگه‌هاند: پروژێ هه‌رێمكرنا كه‌ركوكێ ده‌ستێ خیانه‌تكاران ل پشته بو ئێكلایكرنا پاشه‌روژا كه‌ركوێ، د دستورێ عیراقێ دا د مادێ 140 دا هاتیه و ئه‌و مادده ژى بو دیاركرنا پاشه‌روژا كه‌ركوكێ یه، كو ئاكنجیێن كه‌ركوكێ بو پاشه‌روژا باژێرێ خو د رێفراندومێ دا ب ئازادى ده‌نكێ دده‌ن، كو ئایا ئیدارا وان دگه‌ل هه‌رێما كوردستانێ بن یان حكومه‌تا عیراقێ، ئه‌و رێفراندوم ژى بو ئیداره‌دانێ یه نه بو چاره‌نڤیسیا ئاخا خو.
كه‌مال كه‌ركوكى گوت ژى: ئه‌وا نوكه بزاڤ بو دهێته كرن، خه‌لكه‌كه بو وێ چه‌ندێ یه تشته‌ك ده‌ست بكه‌ڤیت و خو ب ئه‌رزان فروتیه دگه‌ل خه‌لكه‌كێ شوفێنى یێ دژى مافێن گه‌لێ كوردستانێ یه‌و خه‌لكێ ده‌ڤه‌رێن كوردستانی یێن ده‌رڤه‌ى ئیدارا هه‌رێما كوردستانێ نه. ئه‌وا من ئاگه‌هدارم د كونفرانسى دا چه‌ند كه‌سێن دلسوز و نیشتیمانپه‌روه‌ر هه‌لویستێ پاقژ یێ خو نیشان دا سه‌باره‌ت وێ بووچونێ وگوت كه‌ركوك نابیته هه‌رێمه‌ك و ماددێ 140 بو ئێكلایكرنا پاشه‌روژا كه‌ركوكێ هاتیه دانان.
