ئهڤرۆ ل هولا كونگرهیان ولژێر چاڤدێریا د.على تهتهر پارێزگهرێ دهۆكێ وب بهرههڤبوونا د.محمد شكرى سهروكێ دهستهیا وهبهرهێنانێ ل كوردستانێ و ماجد سهید صالح جێگرێ پارێزگهرێ دهۆكێ ب وهكالهت نوینهرێ پارێزگهرى و سهروكێ زانكویا دهۆكێ وهژمارهكا شارهزایێن ئابورى یێن كهرتێ گشتى وتایبهت كونفرانسهك ل دورگهشهپێدانا ئابورى ورێكێن بدهستڤهئینانێ ل پارێزگهها دهۆكێ هاته سازكرن .
جێگرێ پارێزگهرێ دهۆكێ دپهیڤهكێدا: گرنگیا سازكرنا ڤان جوره كونفرانسێن ئابورى بهرچاڤكر وگوت: ئابورێ دهڤهرێ ب رێكخستنا ڤان كونفرانسان وڤهكولینێن زانستى دێ هێته پێشئێخستن ودهست خوشى ل رێكخهرێن كونفرانسى كر وخواست راسپاردێن ژكونفرانسى ددهردكهڤن ب رهنگهكێ پراكتیكى بهێنه بجهئینان.
پاش سهروكێ زانكویا دهۆكێ پهیڤهك پێشكێشكر وئاماژهدا وان كار وچالاكیێن بهرهدهوام یێن ژلایێ زانكویا دهۆكێ دهێنه ئهنجامدان ژبوى پێشئێخستنا گهشهپێدانا ئابورى ل پارێزگهها دهۆكێ وسهركهفتن بو بهرنامێن كونفرانسى خواست.
پاش عبدالرحمن جعفر خودانێ گروپێ پێرو گروپ رێكخهرێ كونفرانسى راپورتهك ب داتا وئامارا لدور چاوانیا پێشئێخستنا سهكتهرێ ئابورى ژههموو رویهكیڤه پێشكێشكر.
پاش د.محمد شكرى سهروكێ دهستهیا وهبهرهێنانێ پهنهلهك پێشكێشكر و رونكرن دانه سهر بهرنامێن كابینا 9یا حكومهتا ههرێما كوردستانێ ورێنما ویاسایێن دهستهیا وهبهرهێنانێ وچاوانیا هاندانا وهبهرهێنهران ژبو گهشهپێدانا ئابورى ل كوردستانێ ب گشتى وسنورێ پارێزگهها دهۆكێ ب تایبهتى .
پاش پسیار ودان وستاندن ل دور بابهتێ سمینارێ هاتنه كرن وبهرسڤ ل سهر هاتنه دان.
پاش چهند پهنهلێن دى یێن ئابورى هاتنه پێشكێشكرن ودان وستاندنێن تێر وتهسهل ل سهر پهنهلان هاتنه كرن.
