بریاره كومسیۆنا بلندا سه‌ربخۆ یا هه‌لبژارتنێن عیراقێ فه‌رمانبه‌رێن هه‌میشه‌یی دابمه‌زرینیت و پشكا هه‌رێما كوردستانێ دێ 800 كه‌سبن.
شێروان جه‌مال، ئه‌ندامێ په‌رله‌مانێ عیراقێ راگه‌هاند، ل سالا نوی هه‌لبژارتنێن پێشوه‌ختێن عیراقێ دێ هێنه كرن و بۆ وێ مه‌ره‌مێ عیراقێ ل هه‌می پارێزگه‌هان پێدڤی ب فه‌رمانبه‌رێن هه‌میشه‌یی هه‌یه ، له‌ورا دێ فه‌رمانبه‌رێن هه‌میشه‌یی ل سه‌ر میلاكێ كۆمسیۆنا هه‌لبژارتنان دامه‌زرینیت.
هه‌روه‌سا پشكا هه‌رێما كوردستانێ هاتیه دیاركرن و بریاره 800 كه‌س وه‌ك فه‌رمانبه‌رێن كۆمسیۆنێ بهێنه دامه‌زراندن.
شێروان جه‌مال، ئه‌ندامێ په‌رله‌مانێ عیراقێ دیار كر، ئه‌و فه‌رمانبه‌رێن پێشتر ب گرێبه‌ست بۆ كۆمسیۆنێ كار دكر، ده‌لیڤا دامه‌زراندنێ ل ده‌ستپێكێ بۆ وانایه و دێ بنه فه‌رمانبه‌رێن هه‌میشه‌یی، به‌لێ ل ده‌ستپێكێ دێ گشت ناڤ بۆ به‌غدا هێنه هنارتن و پشتی پێداچوونێ دێ هێنه دامه‌زراندن.
