كۆمسیۆنا بلندا سه‌ربخۆیا هه‌لبژارتنان ل عیراقێ ده‌مێ تۆمارا بایۆمه‌تری هه‌تا دوماهیا هه‌یڤا ئادارێ درێژكر.
خالد دۆسكی، رێڤه‌به‌رێ ئۆفیسا دهۆكێ یا كۆمسیۆنا بلندا سه‌ربخۆیا هه‌لبژارتنان گۆت: چه‌ندین كار د قۆناغا نویكرنا تۆمارا بایۆمه‌تری دا دهێنه كرن.
خالد دۆسكی دیار ژی كر، كه‌سێن گیانێ خو ژ ده‌ست داین ناڤێن وان د قۆناغا تۆمارا بایومه‌تری دا دێ هێنه ژێبرن، هه‌روه‌سا ژ دایكبوویێن سالا 2001-2002-2003ێ ژی دێ پشكداربن، هه‌ر كه‌سه‌كێ ناڤێ وی ژی یێ شاش بیت د كارتا بایۆمه‌تری دا، دشێت راستڤه‌كه‌ت و ئه‌ڤ كاره هه‌تا 31ێ هه‌یڤا ئادارێ دێ به‌رده‌وام بیت.
ژ لایه‌كێ دی ڤه كۆمسیۆنا بلندا سه‌ربخۆیا هه‌لبژارتنان ل عیراقێ راگه‌هاند: ژڤانێ تۆماركرنا هه‌ڤپه‌یمانی و قه‌وارێن سیاسی هه‌تا ده‌هی ڤێ هه‌یڤێ هاته درێژكرن، بۆ كاندیدێن تاكه كه‌سی ژی هه‌تا ئێكی هه‌یڤا ئادارێ ده‌لیڤه هاتیه درێژكرن.
پرۆسا تۆمارا بایۆمه‌تری ل هه‌ر 41 بنگه‌هێن دهۆكێ به‌رده‌وامه، رێژا تۆمارا بایۆمه‌تری ل دهۆكێ گه‌هشتیه 61%، و به‌لاڤكرنا كارتێن بایۆمه‌تری بۆ وان ده‌نگده‌رێن خۆ تۆماركرین گه‌هشتیه 91%
