خالد عباس به‌رپرسێ ئوفیسا دهوك یا كومسیونا بلندا سه‌ربخویا هه‌لبژارتنان راگه‌هاند ناڤێ كاندیدا ژلایێ كومسیونا عیراقێ ڤه هاتینه په‌سه‌ندكرن و بتنێ مایه ب نڤیسین بهێینه ئاگه‌هداركرن .
هه‌روه‌سا گوت : ئه‌و كاندیدێن هه‌رێما كوردستانێ پێشكێشكرین را‌زیبوون ل سه‌ر هاتییه كرن و دیاركر كو ل پارێزگه‌ها دهوكێ 33 كاندید هه‌نه و هه‌مى هاتینه په‌سه‌ندكرن .
ناڤبرى هه‌روه‌سا گوت توماركرن راوه‌ستیایه و بتنێ به‌لاڤكرنا كارتان یا به‌رده‌وامه و 92ژ سه‌دێ كارتێن ده‌نگدانێ هاتینه به‌لاڤكرن .
هه‌روه‌سا گوت : توماركرن بو سه‌ر سندوقێن ده‌نگدانێ به‌رده‌وامه و هه‌تا نوكه 20 هزار كه‌سا خو توماركریه و كومسیونێ پێدڤى ب 10 هزار كارمه‌ندان هه‌یه .
