ئه‌ڤرۆ دكتور على ته‌ته‌ر پارێزگارێ دهۆكێ كۆمبوونه‌كا تایبه‌ت دگه‌ل قایمقامێن ئامێدیێ وزاخو و چه‌ند رێڤه‌به‌رێن فه‌رمانگه‌هێن میرى یێن په‌یوه‌ندیدار ئه‌نجامدا .
دكومبونێدا به‌حسێ سه‌ره‌دانا مسرور بارزانى سه‌روكێ حكومه‌تا هه‌رێما كوردستانێ ئه‌وا ساڵا ده‌ربازبووى بو ده‌ڤه‌را ئامێدیێ ئه‌نجامداى و ژنێزیك ئاگه‌هدارى پێدڤى و ئاریشێن هاولاتیان بووى هاته‌كرن نه‌خاسمه قهرهبوكرنا وان هاولاتیان یێن ئه‌رد و زه‌ڤیێن وان كه‌تینه به‌ر پرۆژێن خزمه‌تگوزارى ورێكارێن قانونى ژبو پێك ئینانا لیژنه‌كا تایبه‌ت بو خه‌ملاندن وقه‌ره‌بوكرنا وان زیانڤێكه‌فتیا ب گشتى هاتنه به‌حسكرن.
پارێزگه‌رێ دهۆكێ بریاردا كو لیژنه‌كا بسپور بهێته پێك ئینان ودویڤچونا داخازیێن هاولاتیان بكه‌ت ئه‌وێن ئه‌ردێ وان كه‌تینه به‌ر پرۆژێن خزمه‌تگوزارى و دووپاتكر كو دڤێت لیژنا ناڤبرى ب هوربینى و ل دویڤ رێكار و قانونێن حكومه‌تا هه‌رێما كوردستانێ ب ره‌نگه‌كێ دادپه‌روه‌رانه سه‌ره‌ده‌ریێ دگه‌ل بابه‌تى بكه‌ت وپشته‌ڤانیا كارگێریا پارێزگه‌هێ نیشان دا بو هه‌ر هاریكاریه‌كێ.
