جێگرێ سهروكێ لیژنا دهستپاكیێ ل پهرلهمانێ كوردستانێ گوت ، حكومهتا ههرێما كوردستانێ دهست ب چاكسازیێ د موچێن خانهنشینێن پله بلند كریه و ددهمهكێ نێزیك دا دێ ئیكلابیت و ئهنجام دێ هێنه راگههاندن و حكومهت دههیڤا دوێ دا راپورتا دوێ دێ بو پهرلهمانى رهوانه كهت
مستهفا سهعید بو مالپهرێ فهرمى یێ پارتى دیموكراتى كوردستان راگههاند ، پروسا چاكسازیێ ل ههرێما كوردستانێ ژلایێ كابینا نوى یا حكومهتا ههرێما كوردستانێ ڤه یا بهردهوامه و حهتا نوكه ل ههرێمێ زێدهتر ژ 26 هزار موچێن نهقانونى هاتینه برین ، ئهڤه ژى دێ بیته ئهگهرێ هندێ داهاتهكێ باش بو حكومهتێ بزڤریت .
سهعید گوت ژى ، نوكه كار ل سهر فائیلێن خانهنشینێن پله بلند دهێته كرن كو زێدهترن ژهزار پلهیا و فایل ب فایل دێ پێداچوون بو هێته كرن وههر خانهنشینهكێ پله بلند ب مافێ خو نههاتبیته خانهنشین كرن چ پله لیوا بیت یان ههر پلهكا دى بیت موچه دێ ژێ هێته برین ، ژبهر ڤێ چهندێ ب هویرى كار دێ ل سهر هێته كرن و ددهمهكێ نێزیك دا دێ ئیكلابیت و ئهنجام دێ هێنه راگههاندن ، چونكه حكومهتێ بریار دایه دههمى سێكتهران دا چاكسازیێ بكهت ودێ یابهردهوام بیت
ناڤبرى بهحس ل وێ چهندێ ژى كر حكومهتێ بریار دایه پهرلهمانى ژههمى چاكسازیان ئاگههدار بكهت و ددهمێ بورى دا راپورتا سێ ههیڤێن بورى ب هویرى بو پهرلهمانى رهوانه كریه و بریاره دههیڤا دوێ دا راپورتا دوێ بو پهرلهمانى رهوانه بكهت ، ئهڤهژى پێنگاڤهكا گرنگه كو پهرلهمان ئاگههدارى كار و چاكسازییێن حكومهتێ بیت
