ئەڤرۆ پشتی دەستبکاربونا قونسولێ نوی یێ ھەڤلێر بۆ ئێکەم جارە سەرەدانا پەرستگەھا لالش دکەت “کلیمینس سمنتیر”قونسولێ گشتی یێ ئەلمانیا ل ھەڤلێرا پایتەخت ژلایێ”میر حازم تەحسین بەگ” میرێ ئێزدیان و سەماحەتا”بابەشێخ” کەساتیێن ئاینی یێن پەرستگەھا لالش ھات پێشوازی کرن،د سەرەدانا خودا بۆ پەرستگەھا لالش دگەل میرێ ئێزدیان و بابە شێخ کۆمبۆ لدور رەوشا ئێزدیان تایبەت ئاوارێن دناڤ کەمپان دا دژین و بەحس ل رێکەفتنا شەنگال یا دناڤبەرا حکومەتا ھەرێما کوردستانێ و عێراقێ دا ھات کرن دیسان بەحس ل کچ و ژنێن ئێزدیان کر ئەوێن دەستێ داعش دا و ئەوێن ھاتین رزگارکرن.
کلیمینس سمنتیر،قونسولێ گشتی یێ ئەلمانیا ل ھەڤلێرا پایتەخت بۆ دھوک تیڤی راگەھاند:بومن شەرەفەکا مەزنە پشتی دەستکاربونا من بۆ ئێکەم جارە سەرەدانا پەرستگەھا لالش دکەم ئێک ژ وان ئەگەرێن من بۆ لالش ژبۆ مەرەما پیرۆزکرنا پوستێ سەماحەتا”بابەشێخە”کۆ نھا بویە بابەشێخ،حکومەتا ئەلمانیا گەلەک گرنگیێ ب ئێزدیان دەت چ ل ئەلمانیا چ لڤێرە ژبەر وێ چەندێ ئەز ھاتم ژ رەوشا وان پرسم کا رەوشا وان چاوایە من ل بابەشێخ و میری گوە لێ بۆ کۆ چەند زەحمەتی یێن ل پێشیا ئێزدیان ئەلمانیا دێ پشتگیری و ھاریکاریا ئێزدیان کەت دڤی بابەتی دا ،
ناڤھاتی خویاکر: بۆمن شەرەفەک مەزن بۆ من لالش دیت چومە دناڤ پەرستگەھێ دا ھیڤیدارم ل دەمەک نێزیک گەش بون ب وان را چێبیت کەلتورێ ئێزدیان دیانەتا وان تشتەک مەزنە بۆ مرۆڤایەتیێ ھیڤیدارم بەردەوام بن ل سەر ڤی کەلتورێ خۆ،
ناڤھاتی گۆت:ئەو کچ و ژنێن ئێزدی ئەوێن دەستێ داعش رزگاربوین چوینە ئەلمانیا د رەوشەک باش دا دژین گرنگیەکا باش ب وان دھێت کرن ئەم وەکۆ قونسول گرنگیێ ژی دێ وی تشتی دەین کو مروڤێن وان ژی بگەھنە وان ھیڤیدارین کۆ ئەو ڤەگەرنە ڤێرە ژبەرکۆ جھێ وان ڤێرە جھێ ئاینێوان،
قونسولێ گشتی یێ ئەلمانیا ل ھەڤلێرا پایتەخت لدوڤ رێکەفتنا شەنگال گۆت:حکومەتا ئەلمانیا نە تەرەفەکە ژ ڤێ رێکەفتنێ ئەڤە رێکەفتنەکە دناڤبەرا حکومەتا مەرکەزی دا و حکومەتا ھەرێما کوردستانێ بەلێ ئەلمانیا پشتگرتیا وەلاتێن ئێکگرتی دکەن بۆ ڤەگەریانا وان ئاوارێن دناڤ کەمپان دا بۆ شەنگال بەلێ حکومەتا ئەلمانیا ھاریکارە دگەل وان ئاوارا بۆ ئاڤاکرنا بناغەیێ ئاڤەدانکرنێ.
