ئهڤرو قوباد تالهبانى جێگرێ سهروكێ حكومهتا ههرێما كوردستانێ پشتى كومبوونێ دگهل فراكسیونێن پهرلهمانێ كوردستانێ د كونگرهكێ روژنامهڤانى دا راگههاند: ئهم وهك حكومهتا ههرێما كوردستانێ مه ههردهم ڤیایه دگهل بهغدا بگههینه رێككهفتنێ.
قوباد تالهبانى راگههاند: د بودجا سالا 2021 دا ئامادینه 250 هزار بهرمیلێن پترولێ رادهستى سومو بكهین.
قوباد تالهبانى گوت ژى: پروژێ بودجا 2021 هنارتیه پهرلهمانى ، مه بهحسێ وێ چهندێ كریه چاوا ههماههنگیێ بهێز بكهین د وان برگێن كو دپروژهى دا ههین وهكى خو دهنگ لسهر بهێته دان.
قوباد تالهبانى راگههاند: نوكه پروژه بودجا عیراقێ بو سالا 2021 ل جڤاتا وهزیرێن عیراقێ هاتیهپهسهند كرن و هنارتیه پهرلهمانى، مه بهحسێ وێ چهندێ كر ئهو پروژه قانون چاوا وهكى خو دهنگ لسهر بهێته دان.
جێگرێ سهروكێ حكومهتێ گوت ژى: وهك حكومهتا ههرێمێ ههردهم مه ڤیایه بگههینه رێككهفتنێ دگهل حكومهتا عیراقێ، چ لسهر دهمێ عادل عهبدولمههدى سهروك وهزیرێن بهرێ، چ نوكه دگهل مستهفا كازمی سهروك وهزیرێن عیراقێ، و دكومبوونا ئهڤرو ژى دا دگهل پهرلهمانى دهرئهنجامێن سهرهدانا مه یا دوماهیێ هاتنه بهحسكرن ومه بهرسڤا گهلهك پرسیاران ژى دا.
