فوئاد حسێن وه‌زیرێ ده‌رڤه‌یێ عێراقێ راگه‌هاند ، داخوازژ ئیدارا ئه‌مریكا ب سه‌روكاتیا جو بایدن دكه‌ین به‌ردوامبن ل سه‌ر كومبونێن تایبه‌ت ژبو دانوستاندنێن ستراتیژى دناڤبه‌را به‌غدا و واشنتون.
لدویڤ راگه‌هاندنا وه‌زاره‌تا ده‌رڤه‌یا عێراقێ فوئاد حسێن ل ناڤه‌ندا نه‌هرێن بو ڤه‌كولینا ستراتیژى بابه‌ته‌كێ ب ناڤ و نیشان ده‌رفه‌ت و لایه‌نگرێن به‌رامبه‌ر سیاسه‌تا ده‌رڤه پێشكێشكریه و تێدا سه‌باره‌ت دانوستاندنێن ستراتیژى دناڤبه‌را به‌غدا و واشنتون داخواز ژ ئیدارا نوى یا ئه‌مریكا ب سه‌روكاتیا جو بایدن دكهت به‌رده‌وامبن ل سه‌ر كومبونان ب تایبه‌ت دانوستاندێن ستراتیژى دناڤبه‌را به‌غدا و واشنتون.
به‌رى نوكه ل سه‌ر ده‌مێ ئیداره‌یا به‌رێ یا ئه‌مریكا دوو قوناغێن دانوستاندنێن ستراتیژى دناڤبه‌را شاندێ ئه‌مریكا و عێراقێ سازكربوون.
قوناغا ئێكێ ل 11 حوزه‌یرانا سالا بورى ل به‌غدا هاتبوو كرن كو تێدا كومه‌كا ته‌وه‌ر و بیروبۆچوونان و لێگوهارتن ژوانا ئاسایش و به‌رهه‌نگاربونا تیرورێ و پرسا ئابورى و وزه و بابه‌تێن سیاسى و كه‌لتورى. قوناغا دویێ دانوستانێن ستراتیژى دناڤبه‌را عێراقێ و ئه‌مریكا ل 19 هه‌یڤا ئاب یا سالا بورى ل واشنتون هاتبوو كرن تێدا ته‌ئكید ل سه‌ر شه‌راكه‌تا ستراتیژیا درێژ دناڤبه‌را هه‌ردوو وه‌لاتان كریه ئه‌وژى ل سه‌ر بنه‌مایێ رێزگرتن ل سه‌روه‌ریا عێراقێ و سوزێن به‌غدا بو پاراستنا هێزێن ئه‌مریكا و هه‌ڤپه‌یمانیا ده‌وله‌تى ل عێراقێ .
