رێڤەبەریا رێک و پرا ل پارێزگەها دهۆکێ دیارکر: رازیبوون ل سەر بریارا چێکرنا فلکا سێمێلێ یا ناسیار ب فلکا مرنێ ل سەر رێکا سەرەکی دهۆک- سێمێلێ هاتیەدان.
خەدیجا محەمەد، رێڤەبەرا رێک و پرا ل پارێزگەها دهۆکێ راگههاند: بەری نوكه بریارا چێکرنا پرۆژێ فلکا مرنێ ل سێمێلێ ژلایێ وەزیرێ ئاڤەدانکرنێ ڤە هاتیە ئیمزاکرن کو ئەو فلکە ببیتە ئەندرباس و کێشا وێ بهێتە چارەسەرکرن، خویارکر ژی: دیزاینەکێ سەرەتایی بۆ هاتیە چێکرن، ئەو پێدڤی ب دیزاینەکێ هۆیرترن و ئەگەر وان دیت ئۆڤەرپاس دێ گۆنجایى تر و کێم مەزاختی تربیت رەنگە، ببیتە ئۆڤەرپاس.
ناڤبریێ دا زانین ژی: ل دوماهیا وەرزێ هاڤینێ دێ دەست ب بجهئینانا وی پرۆژەی هێتەکرن و کۆژمێ چار ملیار و دوسەد ملیۆن دینار بۆ هاتینە مەزاختن.
سالانە ل وێ فلکێ چەندین رویدانێن هاتن و چوونێ دروست دبن و ب دههان وەلاتی ب ئەگهرێ رویدانان گیانێ خو ژ دەست ددهن و بریندار دبن، ژبهر هندێ ئەو فلکە ب فلکا مرنێ هاتیە ناڤکرن.
