ئەڤرو فرۆكهیێن توركیا سنورى دەڤەرا نهێلێ و پشتا چیایێ گوهەرزێ و شیلادزێ و دەڤەرا رێکان و کانى ماسێ ل سنورێ قەزا ئامێدیێ بومبەبارانكرن و ترس و دودلى ئێخسته دلێ خهلكێ دهڤهرێ.
وهلاتییهكێ گوندێ گوههرزێ یا سنورێ ئامێدیێ دیار كر، پشتى ئهڤرۆ فرۆكهیێن توركیا چیایێ پشتا گوندێ وان بومبەبارانكریه، ههر چهنده ڤێ بۆمبەبارانێ چ زیان نهبووینه لێ ژ بهركو دهنگێ گورمێنهكا گهلهك مهزن هاتییه گوهلێبوون، لهورا ترس و دوو دلى ئێخستییه دلێ خهلكێ دهڤهرێ ب تایبهتى ژى ئاكنجیێن وان گوندان.
ههروهسا وهلاتییەکێ کۆمەلگەھا سیریێ دیارکرن کو ئەڤرۆ پشتی نیڤرۆ فرۆکهیێن شەری یێن تورکیا بارەگایێن پهكهكێ ل دەڤەرا نێروە و رێکان یا سەر ب ناوچهدارییا شێلادزێ ڤە تۆپبارانکرن کو ئەو جھە نێزیکی ئاڤا مارکی یە و جھەکێ گەشت و گوزاری یە، بەلێ هەتا نوكە زەرەر و زیان نەھاتینە زانین.
