وه‌زاره‌تا ده‌رڤه یا فه‌ره‌نسا راگه‌هاند ، ئێكه‌تیا ئه‌وروپا به‌رهه‌ڤیان دكه‌ت بو سه‌پاندنا سزایان ب سه‌ر وان كه‌س وده‌زگه‌هێن ئیرانێ یێن پێشێلكاریێن مه‌ترسیدار دبیاڤێ مافێ مروڤى ل ئیرانێ ئه‌نجام دده‌ن.
ئیكه‌تیا ئه‌وروپا گه‌فا سه‌پاندنا سزایان ب سه‌ر ئیرانێ دا كر ، وه‌زاره‌تا ده‌رڤه‌یا فه‌ره‌نسا د به‌یانامه‌كێ دا راگه‌هاند ، هوشداریێ ددهینه ته‌هران ئه‌گه‌ر یا به‌رده‌وام بیت د پێشێلكاریێن مافێ مروڤان دا دێ ئێكه‌تیا ئه‌وروپا سزایێ بسه‌ر دا سه‌پینیت
هه‌روه‌سا د به‌یاننامێ دا هاتیه كو ئێكه‌تیا ئه‌وروپا سزا ب سه‌ر چه‌ند كه‌سایه‌تى وئه‌وێن ده‌ست د پێشێلكرنا مافێن مروڤى دا ل ئیرانێ هه‌ى دێ سه‌پینیت
د وێ به‌نامێ دا به‌حس ل وێ چه‌ندێ هاتیه‌كرن كو زور دلگرانن د پێشێلكرنێن مه‌ترسیدارێن مافێ مروڤى دا ل ئیرانێ ب تایبه‌ت پێشێلكرنا به‌رامبه‌ر ب ئازادیا روژنامه‌ڤانى و ئازادیا راده‌ربرینێ
به‌رى دوو حه‌فتیا ژى ژان ئیڤ لودریان وه‌زیرێ ده‌رڤه‌یێ فه‌ره‌نسا به‌رامبه‌ر جڤاتا مافێن مروڤى ئاماژى ب وێ چه‌ندێ كر زور دلگرانن لدور چاره‌نڤیسێ نه‌سرین سوتوده پارێزه‌را ئیرانی و داخواز كربوو فه‌ریبا عادلخا ڤه‌كوله‌رێ فره‌نسى كو نوكه ل ئیرانێ یه ئازاد بكه‌ن كو ئه‌ڤه چه‌ند هه‌یڤه‌كه ل ته‌هران هاتیه ده‌سته‌سه‌ركرن
