فراكسیونا پارتى دیموكراتى كوردستان ل پهرلهمانێ كوردستانێ بهیاننامهك سهبارهت شهرێ پهكهكێ و توركیا بهلاڤكر ئهڤه ژى دهقێ وێ یه:
ب مخابنى ڤه پهكهكێ و توركیا ههردهم مال وێرانى سهر ژیان و ژینگهها كوردستانێ و كاڤلكرنا گوندان و نههێلانا ژیانێ ههبویه ل وان دهڤهرێن سنوران دا.
ئهم نه نوكه بتنێ ل سهر داربرینێ بهلكو بهرى نوكه ژى مه راگههاندیه بلا ئێدى خهلكێ سڤیل نهبنه قوربانى و نههێنه شههیدكرن ، بلا ئهڤ كێشه دناڤ ئاخا توركیا دا بهێته چارهسهركرن و خهلكێ ههرێما كوردستانێ و ژینگهها كوردستانێ و گیانهوهر و سرورشتێ كوردستانێ نهبنه قوربانێ ڤى شهرى.
داخوازێ ژحكومهتا توركیا دكهین خهلكێ سڤیل و سروشتێ كوردستانێ و گوندێن مه نهكهنه قوربانى كێشێن خو دگهل پهكهكێ ، دههمان دهم دا پهكهكه ههردهم بهانه دایه دهستێ توركیا ب بهرپرسیارهتى سهرهدهریێ دگهل رهوشا ههستیار و نازك یا ههرێما كوردستانێ نهكریه ، بهروڤاژى دڤێت ههرێما كوردستانێ تێكهلى شهرى بكهن و خهلك و سروست و ئاخا كوردستانێ باجا وێ بهانهیێ بدهت كو ئهوان دایه دهستێ حكومهتا توركیا
ل ڤێره داخوازێ ژ حكومهتا عیراقێ دكهین ههلویستێ خو ههبیت و دڤێ كێشێ دا بێلایهن نهبن ههم دگهل دهولهتا توركیا باخڤن و ههم پهیامهكا ئاشكرا بدهنه پهكهكێ
ههر دڤى بیاڤى دا یاداشتهك مه ئامادهكریه بو سهروكاتیا پهرلهمانێ كوردستانێ و داخوازا رێكارێن پێدڤى یێن پهرلهمانى و روینشتنا تایبهت دكهین ل سهر ڤێ پرسێ.