فازل نه‌بى: ئه‌گه‌ر عیراق پیگیریێ ب قانونا بودجێ نه‌كه‌ت، هه‌رێم دشێت سكالایێ توماربكه‌ت

بریكارێ به‌رێ یێ وه‌زاره‌تا دارایی حكومه‌تا ئیراقێ راگه‌هاند، حكومه‌تا هه‌رێما كوردستانێ هیچ به‌هانه‌‌ك بۆ ب جهئینانا قانونا بۆدجه‌ی و هنارتنا پشكا هه‌رێمێ ژ بۆ حكومه‌تا ئیراقێ نه‌هێلایه‌، له‌وما ئه‌گه‌ر ئیراق پێگیر نه‌بیت، حكومه‌تا هه‌رێمێ دشێت ب رێكا دادگه‌ها فیدرالى سكالایێ تۆماربكه‌ت.

دكتۆر فازل نه‌بی بۆ مالپه‌رێ فه‌رمیێ پارتی دیموكراتی كوردستان راگه‌هاند، حكومه‌تا هه‌رێمێ ب جهئینانا ئه‌ركێ سه‌ر ملێ خۆ به‌رهه‌ڤى نیشانداینه‌ كو دێ بجهئینیت، له‌وما حكومه‌تا هه‌رێمێ شاند هنارتییه‌ و هیچ به‌هانه‌یه‌ك بۆ حكومه‌تا ئیراقێ نه‌هێلایه‌ و حكومه‌تا ئیراقێ نه‌چاره‌ پێگیریێ ب قانونا بۆدجه‌ى بكه‌ت چونكى په‌رله‌مانى ده‌نگ ل سه‌ر دایه‌ و بوویه‌ قانون.

بریكارێ به‌رێ یێ وه‌زاره‌تا دارایی و ئابووریا ئیراقێ گۆت ژى، ئه‌گه‌ر حكومه‌تا ئیراقێ پێگیریێ ب قانونا بۆدجێ نه‌كه‌ت و پشكا هه‌رێمێ نه‌هنێریت كو ل دویڤ قانونێ پێدڤیه‌ ب هنێریت، وى ده‌مى حكومه‌تا هه‌رێمێ د شێت ل دادگه‌ها فیدرالى سكالایێ تۆماربكه‌ت و سكالا ژى دێ د به‌رژه‌وه‌ندیا هه‌رێمێ ئێكلا بیت، چونكى حكومه‌تا هه‌رێمێ ب ره‌نگه‌كێ باش سه‌ره‌ده‌رى ل گه‌ل ڤێ پرسێ كریه‌ و هیچ به‌هانه‌یه‌ك بۆ حكومه‌تا ئیراقێ نه‌هێلایه‌.