فازل میرانى سكرتێرێ مه‌كته‌با سیاسى یا پارتى دیموكراتى كوردستان د نویترین داخویانى دا راگه‌هاند ئه‌م باش دبینین كو زورینه‌یا كوردان دگه‌ل زورینه‌یا لایه‌نێن سیاسى یێن عه‌ره‌بێن شیعه و سوننه هه‌ڤپه‌یمانیه‌كا سیاسى پێكبینن و ئه‌ڤه دێ بیته كاره‌كێ باش بو رویدانێن پشتى هه‌لبژارتنان، هه‌روه‌سا دبێژیت لایه‌نێن سیاسى یێن كوردستانێ بزه‌حمه‌ته ب ئێك هه‌ڤپه‌یمانى به‌ره‌ف هه‌لبژارتنێن پێشوه‌ختێن عیراقێ بچن ژبه‌ركو هه‌مى ئێك بوچون و ئێك هه‌ولیست نینن و ئه‌گه‌ر لایه‌نێن كوردستانى هه‌مى ئێك هه‌لویستبانه، ئه‌ڤ شه‌ر فروتنه ب كوردان نه‌دهاته‌كرن، سه‌باره‌ت پرسا بودجێ و موچه‌یان و ده‌ربازكرنا پروژه قانونا بودجێ بێ كوردان فازل میرانى گوت كێشه و ئاریشا كوردان دگه‌ل عیراقێ بتنێ ئاریشا بودجێ و موچه‌یى نینه به‌لكى ئاریشا مافێن دستورى و سیاسى و قانونى یه و پێدڤى یه به‌غدا و لایه‌نێن سیاسى یێن عیراقێ رێزێ ل مافێن سیاسى و دارایى یێن خه‌لكێ هه‌رێما كوردستانێ بگرن
