عەلی خەلیل، بەرپرسێ لقێ ١٤ یێ پارتی دیمۆکراتی کوردستان ل مویسل دیار کر، رۆژانە کادر و پێشمەرگەیێن وان ل وان دەڤەرێن ژێر دهستێ گرۆپێن شیعی دا دھێنە گرتن و دویڤچوون ل سەر دھێتەکرن، ئانکو ھەمى دەرگەھـ ل مویسل ل بهرامبهر پارتی دگرتینە، بهلێ ئەو رێگری ھەمى نەبووینە ئەگەر ئهم دەستا بداھێلین و پشتا خو بدەینە کادر و ئەندامێن خو.
عەلی خەلیل گۆت: پارتی دزانیت ئەگەر ب ڤی رهنگێ ھەیی ڤەگەریت دێ ئەو گرۆپ ئالۆزیان دروستکەن، لەورا وان بریار دایە بۆ پاراستنا گیانێ کادر و ئەندامێن خو جارێ ھەتا ئەو ئالیێن بیانی ژ مویسل دەرنەکەڤن ئەو ژی ڤەناگەرن و پارتی دێ ل وی دەمی ڤەگەریت دهمێ خەلکێ مویسل ب گولان پێشوازییێ بکەن.
ناڤبرى گۆت: ئەگەر رێگریێن گرۆپێن حەشدێ نەبن، پارتی دێ دەنگێن ئێکێ ل وان دەڤەران ئینیت، بهلێ دەمەکە دەست ب رێگرییێ ھاتیەکرن و ب ھەمى ڕهنگا کار دھێتەکرن بۆ ھندێ کارتێن دەنگدانێ یێن کوردان نەھێنە دروستکرن و ههروهسا بنگەھێن دەنگدانێ ل دەڤەرێن جەماوەرێ پارتی لێ ههیى کێمکرینە.
