فەرمانده‌یێ هێزا زێرەڤانى راگەهاند، هندى وێڤه‌تره ره‌وشا ده‌ڤه‌رێن کوردستانێ ئالۆزتر دبیت و خەلک گه‌له‌ك یێ ژ حەشدا شەعبی دلگرانن، دووپاتكرییه په‌كه‌كێ خو ژ ئارمانجا خو لادایه.
عەزیز وەیسی، فەرماندێ زێرەڤانیێ د داخویانییه‌كا رۆژنامەڤانی دا ل چیایێ زەرتک بۆ ده‌زگه‌هێن راگه‌هاندنێ دیار كر: ره‌وشا ده‌ڤه‌رێن کوردستانی یا ئالۆزە و رۆژ ب رۆژ بەرەف خراپتر دچیت، ب تایبەت پشتى خیانەتا 16ى ئۆکتۆبەرێ ره‌وش ب ڤى شێوەیە و نوكه خه‌لك ژ به‌ر میلیشیاتێن حەشدا شەعبی دره‌ڤن و گه‌له‌ك ژ وان دلگرانن، پێدڤییە پێشمەرگە ڤه‌گه‌ریته وان ده‌ڤه‌ران، ب تنێ ب پێشمەرگەى و ھێزێن سۆپایێ عیراقێ دێ ره‌وشا ڤێ ده‌ڤه‌رێ هێته کۆنترۆل كرن.
ده‌ربارەی ئالۆزیێن پەکەکێ ل ھەرێما کوردستانێ گۆت: ره‌وشا شنگالێ هندى وێڤه‌تره ئالوزۆتر دبیت، پێدڤییە ئەو رێککەفتنا د ناڤبه‌را ھەولێر و بەغدا بۆ ئاساییکرنا ره‌وشا شنگالێ هاتییه ئیمزا كرن وه‌كو خو بهێته بجهئینان و ئەو میلیشیات و ھێزێن بیانی ژ وێ ده‌ڤه‌رێ ده‌ربكه‌ڤن، داكو ھێزێن دیتر ھێرش نەكەنه سەر شنگالێ، ب مخابنى ڤه پەکەکە پشتى ده‌سته‌سه‌ركرنا ئۆجەلانى خۆ ژ ئارمانجا خۆ یا سەرەکی لادایە كو ئه‌وژى رزگاركرنا كوردستانێ یه به‌لێ نوكه ل دژی کوردان شه‌رى دكه‌ت و دهێته بكارئینان، د ناڤا پەکەکێ دا كۆمه‌كا کەسێن نیشتیمانپەروەر و باش ھەنە، رێگرى لێ دهێته كرن، پەکەکێ بێخنه سەر رێیا خو، دڤێت ئەڤ گروپە کار بکەن بۆ هندێ پەکەکێ ژ ده‌ستێ وان كه‌سان ده‌ربێخن، كو ژ ئالیێ هژمارەكا وه‌لاتان ل دژى كوردان دهێنه ب كارئینان.
