شیره‌تكارێ مه‌كته‌با سیاسی یا پارتی وه‌سا دبینیت كو پارێزگه‌ها سلێمانیێ ئاریشه د ئیدارێ دا هه‌نه كو بو هاتیه ته‌رخانكرن ئه‌و هند ئاریشه د بودجێ دا نینن و دوێ باوه‌ریێ دایه پرسا لامه‌ركه‌زیه‌تێ چاره‌سه‌ریا وان گرفتان ناكه‌ت كو وی پارێزگه‌هێ هه‌ین
لامه‌ركه‌زیا ئیدارى ژلایێ دارایی وقانونى بابه‌تێ پارێزگه‌ها سلێمانیێ و جڤاتا پارێزگه‌هێ یه و درێكا وى پروژه‌ى دا داخاز ژ حكومه‌تا هه‌رێما كوردستانێ كریه كو ده‌ستهه‌لاتا تمام یا كارگیری و دارایی بده‌نه وێ پارێزگه‌هێ وچ لایه‌كى دژایه‌تیا خو بو لامه‌ركه‌زیه‌تێ نه‌راگه‌هاندیه به‌لێ تێگه‌هشتنێن جودا هه‌نه
عارف روشدی شیره‌تكارێ مه‌كته‌با سیاسی یا پارتی دیموكراتی كوردستان سه‌باره‌ت بوچونا پارتی لسه‌ر پرسا وێ لامه‌ركه‌زیا ئێكه‌تی داخازى دكه‌ت راگه‌هاند پرسا لامه‌ركه‌زیه‌تێ د كارناما حكومه‌تێ دا جهێ خو گرتیه و كارناما حكومه‌تێ ژ هه‌رسێ لایه‌نان و په‌رله‌مانى هاتیه په‌سه‌ندكرن ژبه‌ر ڤێ چه‌ندێ ب باشى دزانین كو ئه‌و پرسه پیشكه‌فتنێ بخوڤه ببینیت و ل جڤاتا وه‌زیران و په‌رله‌مانێ كوردستانێ ب تیرو ته‌سه‌لی به‌حس لسه‌ر بهێته كرن و بریاره‌كا گونجایی بهێته دان
