شێخ مه‌جید عوقابی كو كه‌ساتیه‌كێ ئاینی یێ شیعه مه‌زهه‌به ئو سه‌روكێ ناڤه‌ندا هزریه بو دان و ستاندنا چاكسازیان ل عیراقێ دداخویانیه‌كێ دا راگه‌هاند گه‌له‌ك شه‌رم و عه‌یبه ئه‌م بێژین ل كوردستانێ دزى و قه‌چاخی و كارمه‌ندێن نه‌شه‌رعی هه‌نه هه‌روه‌سا بێژین ئیمناهی و پێشكه‌فتن و ئاڤه‌دانی ل كوردستانێ نینه و ئه‌م ره‌وشا خو ژبیربكه‌ین شێخ مه‌جید دبێژیت ئه‌گه‌ر ئه‌م ره‌وشا كوردستانێ دگه‌ل حزبێن عه‌ره‌بی ل عیراقێ به‌راورد بكه‌ین وه‌كی وێ یه یا دناڤبه را ئه‌مین و مه‌ئمونێ كورێن هارون ره‌شیدی دا روى دای كو مه‌ئمونی كارێ جدى دكر و هزراخو ددا كاری به‌لێ ئه‌مینێ برایێ وی زێده‌باری كو له‌شكه‌ره‌كێ مه‌زن هه‌بو ژ فه‌رمان ره‌وایی كه‌ت و ده‌ستهه‌لات كه‌ته ده‌ستێ برایێ وى ، هه‌روه‌سا گوت كورد ل پارێزگه‌هێن ناڤه‌راست و ژوریا عیراقێ ده‌ستهه‌لات نینه و عه‌ره‌بن حوكمی ل وى جهی دكه‌ن به‌لێ ئه‌و ده‌ڤه‌ره ژ هه‌ژاری و نه‌خوێنده‌وارى و نه‌خزمه‌تگوزاریان دنالن.
