شیره‌تكارێ سه‌روكێ حكومه‌تێ بو كاروبارێن ئیزدیان شێخ شامو د هه‌ڤپه‌یڤینه‌كێدا بو مالپه‌رێ فه‌رمى یێ پارتى دیموكراتى كوردستان به‌حسێ چه‌ندین ته‌وه‌رێن گرێداى ب ره‌وشا ئیزدیان و شنگالێ دكه‌ت و دبێژیت نوكه لایه‌نێن نه‌شه‌رعى شنگال كریه بنگه‌هـێ له‌شكه‌رى و پروسه‌یا شیعه‌كرنێ تێدا به‌رده‌وامه.
دیسان گوت ره‌وشا شنگالێ زور خرابه هنده‌ك داخویانیێن به‌پرسێن حه‌شدا شه‌عبى دبێژن كومه‌لگه‌ها ئاكنجیبونێ بو حه‌شدێ ل هه‌مى پارێزگه‌هان دێ دروست كه‌ین ئه‌ڤه‌ژى جهێ مه‌ترسیێ یه و نوكه پروسه‌یا شیعه‌كرنێ یا به‌رده‌وامه.
شیره‌تكارێ سه‌روكێ حكومه‌تێ بو كاروبارێن ئیزدیان گوت ، دلخوشین یو ئێنێ و وه‌لاتێن جیهانێ پشته‌ڤانیا خو بو رێككه‌فتنا شنگالێ دیاركرییه، به‌لێ ژ وێ دترسین هنده‌ك وه‌لات ئه‌جیندایێن خو یێن تایبه‌ت ل شنگالێ ئه‌نجام بده‌ن ، و ره‌وشا شنگالێ پشتى ڤێ رێكه‌فتنێ خراپتربویه ، په‌كه‌كه بهێزتر كه‌فتیه و پروسه‌یا شیعه‌كرنا شنگالێ سه‌رهلدایه.
ناڤبرى گوت : په‌كه‌كێ و حه‌شدا شه‌عبى جهێن خو بجهـ نه‌هێلاینه، بتنێ جل و به‌رگێن خو گوهورینه و ئێك چه‌كدارێ په‌كه‌كێ ژ شنگالێ نه‌ده‌ركه‌فتییه، نوكه ژى هه‌بونا وان مه‌ترسیه ل سه‌ر ئێزدیان و شنگالییان.
