جه‌یك سولیڤان شیره‌تكارێ سه‌روكێ هه‌لبژارتیێ ئه‌مریكا جو بایدن بو كاروبارێن ئاسایشا نه‌ته‌وه‌یا ئه‌مریكا راگه‌هاند ، پروسا كوشتنا قاسم سوله‌یمانى فه‌رماندێ به‌رێ یێ فه‌یله‌قا قودس یێ سوپایێ پاسدارێن كومارا ئیسلامیا ئیرانێ ب مه‌ره‌ما خو نه‌گه‌هاند ، كو نوكه ئیران نێزیكتربویه دبه‌رهه‌م ئینانا چه‌كێ ئه‌تومى دا
گوت ، ترامپ بانگه‌شا وێ چه‌ندێ دكر ب وى كارى ئاسته‌نگ به‌رامبه‌ر ته‌هرانێ داناینه و ده‌لیڤه‌یه رێكه‌فتنه‌كا باشتر ل سه‌ر ئیرانێ ب سه‌پینیت ، به‌لێ وان سوزان هه‌میان چ به‌رهه‌م نه‌بون ، و ئیران یا به‌رده‌وامه ب پێشئیخستنا شیانێن خو یێن سه‌ربازى و بزاڤێن خو ل ده‌ڤه‌رێ یا به‌رده‌وامه
كومارا ئیسلامیا ئیرانێ ئه‌مریكا و ئیدارا ترامپى ب به‌رپرسێن سه‌ره‌كى د ئالوزكرنا ره‌وشا ده‌ڤه‌رێ دزانیت و كریارێن له‌شكه‌رێ ئه‌مریكا و هێرشا سپێده‌یا روژا سیێ كانونا دوێ ب تیرور ل قه‌له‌م دده‌ت
