شیرهتكارێ بهنكا دهولهتى ل عیراقێ راگههاند ژئهگهرێ ڤایروسێ كورۆنایێ و كێم بوونا بهایێ نهفتێ دووملیون و 700 هزار ههتا پێنچ ملیون كهسان ل عیراقێ فشارێن ههژاریێ ل سهرن.
وائێل مهنسور، شیرهتكارێ ئێكى یێ بهنكا دهولهتى ل عیراقێ دراگههاندنهكا فهرمى یا عیراقى دا راگههاند بهنكا دهولهتى چ پهیوهندى ب دیاركرنا بهایێ پارهى ب چ وهلاتان ڤه نینه كو معامهلێ ل گهل دكهن و بهنكا دهولهتى چ ههلویست بهرامبهر گوهورینا بها و فروتنا دولارى ل عیراقێ نهبویه و نه ژ كارێن وێ یه.
عهبدولزههره هنداوى، ئاخفتنكهرێ وهزارهتا پلاندانانا عیراقێ راگههاند رێژهیا ههژاریێ ل عیراقێ 25% یه، ئانكو پتر 10 ملیون ههژاران ل عیراقێ یێن ههین و پترى 22% گهنجێن ڤى وهلاتى دبێ كارن و ههروهسا نێزیكێ 60%ژ خهلكێ عیراقێ گهنجێن دبن ژیێ 25 سالیێ دانه.
