شاندەکێ شیرەتکارى یێ سەروکاتیا هەرێمێ سەرەدانا پارێزگەها دهوکێ کر

ئه‌ڤرۆ د.على ته‌ته‌ر پارێزگارێ دهۆكێ پێشوازیا شاندێ شیره‌تكارى یێ دیوانا سه‌روكاتیا هه‌رێما كوردستانێ ب سه‌روكاتیا به‌رێز فه‌وزى حه‌ریرى سه‌روكێ دیوانا سه‌روكاتیا هه‌رێمێ وئه‌ندامه‌تیا به‌رێزان (نوزاد هادى وشه‌هاب احمه‌د وفلاح مسته‌فا )كر.
دهه‌ڤدیتنه‌كێدا به‌حسێ ره‌وشا ده‌ڤه‌رێ ونووترین پێشهاتێن سیاسى ل سه‌ر ئاستێ هه‌رێما كوردستانێ وكار وپرۆژێن حكومه‌تا كوردستانێ ل سنورێ پارێزگه‌هێ دهێنه‌ ئه‌نجامدان ب گشتى هاته‌ كرن.
دته‌وه‌ركێ دن دا شاندنێ دیوانا سه‌روكاتیا هه‌رێمێ بناڤێ خو ودیوانا سه‌روكاتیا هه‌رێما كوردستانێ پیروزباهیا به‌رێز د. على ته‌ته‌ر پارێزگارێ دهۆكێ كر هه‌مبه‌ر وه‌رگرتنا پوستێ پارێزگه‌هێ وپشته‌ڤانیا دیوانا سه‌روكاتیا هه‌رێمێ نیشان دا بو هه‌ر هه‌ڤكارى وهاریكاریه‌كێ وسه‌ركه‌فتن بو خواست.
ژلایێ خوڤه‌ پارێزگارێ دهۆكێ خوشحالیا خو ب سه‌ره‌دانێ دیاركر وته‌كه‌زكر كو دێ ب هه‌موو شیانێن به‌رده‌ست كار وخزمه‌تێ كه‌ت ژپێخه‌مه‌ت خوشكرنا ژین وژیارا خه‌لكێ پارێزگه‌ها دهۆكێ.