شانده‌كێ بلندێ ئه‌منى ل عێراقێ ب مه‌ره‌ما دیڤچوونا ره‌وشا ئه‌منى و بجهئینانا رێكه‌فتنا شنگالێ سه‌ره‌دانا باژێرێ شنگالێ كر
ئاژانسا ده‌نگ و باسێن فه‌رمى ل عێراقێ به‌لاڤكریه كو شانده‌كێ بلندێ ئه‌منى ل به‌غدا سه‌ره‌دانا قه‌زا شنگالێ كر و ئاماژه ب وێ چه‌ندێ كر كو ئه‌ڤ شانده ژ پێكدهێت ژ سه‌روك ئه‌ركانێن له‌شكه‌رێ عیراقێ فه‌ریق روكن عه‌بدولئه‌میر ره‌شید یاره‌للا و جێگرێ فه‌رمانده‌یا ئوپراسیونا هه‌ڤپشك فه‌ریق روكن عه‌بدولئه‌میر شه‌ممه‌رى و شیره‌تكارێ ئاسایشا نیشتمانى قاسم ئه‌عره‌جى و بریكارێ ده‌زگایێ ئاسایشا نیشتمانى یا عیراقێ و دیاركر ئارمانج ژ سه‌ره‌دانا شاندێ ناڤبرى دویڤچوونا ره‌وشا ئه‌منى و بجهئینانا رێكه‌فتنا شنگالێ یه
هه‌ژى گوتنێ یه ل نه‌هى تشرینا ئێكێ یا سالا بورى حكومه‌تا فیدرال و حكومه‌تا هه‌رێما كوردستانێ ل سه‌ر ئاساییكرنا ره‌وشا شنگالێ و دروستكرنا ئیداره‌كا نوى بو قه‌زایێ رێكه‌فتینه به‌لێ حه‌تا نوكه ئه‌و رێكه‌فتنه نه هاتیه بجهئینان و روژ بو روژێ ئالوزى ل شنگالێ زێده‌تر لێ هاتینه
و بریاره لدویڤ رێكه‌فتنێ ئیداره‌كا هه‌ڤپشك دناڤبه‌را حكومه‌تا فیدارل و حكومه‌تا هه‌رێما كوردستانێ ل شنگالێ بهێته دروستكرن ، پولیسێن خوجهى دوسه‌یا ئه‌منى یا باژێرى وه‌رگرن و له‌شكه‌رێ عێراقێ و پێشمه‌رگه دوسه‌یا ئه‌منى یا ده‌رڤه‌یى باژێرى وه‌رگرن، و هه‌مى گروپێن چه‌كدارى یێن نا قانونى ژ قه‌زایا شنگالێ ده‌ركه‌ڤن
