ب مه‌ره‌ما پیروزكرنا كارێ نوى یێ جێگرێ پارێزگه‌رێ دهۆكێ ئه‌ڤرو شمعون شلیمون جێگرێ پارێزگه‌رێ دهۆكێ پێشوازیا شانده‌كێ فه‌رمانده‌یا دهۆك یا پێشمه‌رگێ كوردستانێ كر.
دهه‌ڤدیتنه‌كێدا شاندێ فه‌رمانده‌یا دهۆك یا پێشمه‌رگێ كوردستانێ بناڤێ فه‌رمانده وهه‌مى ئه‌فسه‌ر وپله‌دارێن فه‌رمانده‌یا دهۆك پیروزباهیا شمعون شلیمون جێگرێ نوى یێ پارێزگه‌رێ دهۆكێ كر وهیڤىا سه‌ركه‌فتنێ بو خواست وبه‌رهه‌ڤیا فه‌رمانده‌یا دهۆكێ نیشان دا بو هه‌ر هه‌ڤكاریه‌كێ دگه‌ل كارگێریا پارێزگه‌هێ .
ژلایێ خوڤه جێگرێ پارێزگارێ دهۆكێ خوشحالیا ب سه‌ره‌دانێ دیاركر و دووپاتكر كو دێ هه‌ڤكاریێ دگه‌ل هه‌مى لایه‌نان كه‌ن ژبو وێ چه‌ندێ كو بباشترین ره‌نگ خزمه‌تا هه‌مى خه‌لكێ پارێزگه‌هێ بهێته كرن.
