سەروك بارزانی دپەیامەكێدا راگەهاند، ددەمێ خو دشەرێ داعش دا مە سوپاسیا هەڤپەیمان و ئەمریكا كر كو هاریكاریا هێزێن پێشمەرگەیێ كوردستانێ كری یە، سوپاسیا هەمی وان لایەنان ژی مە كر یێن ب هەر رەنگەكی پشكداربووین دشەرێ داعش دا و هاریكاریا پێشمەرگەی كری.
ئەڤەژی دەقێ پەیاما سەروك بارزانی یە:-
بناڤێ خودێ مەزن و دلوڤان
ئەڤە دەمەكە ل هندەك ناڤەندێن راگەهاندنێ و سیاسی بەحسێ شەرێ داعش دهێتەكرن. ل ڤێرە راستیەك یا هەی نابیت چاڤێن خو لێ بنقینین، داعش دیاردەكە كو دوژمنێ هەمی مروڤایەتیێ یە و شەركرن دگەل داعش شەرەكێ ب ساناهی نینە، چونكە بەرەیەكێ بەرفرەهـ و هەمە لایەنە و لایەنەك بتنێ ژی نەشێت ژناڤ ببەت.
ژرهەلكێشانا داعش پێدڤی هەماهنگی و كارێ هەڤپشكێ هەمی لایەكی و جڤاكێ دەولەتی یە.
ددەمێ خو دشەرێ داعش دا مە سوپاسیا هەڤپەیمان و ئەمریكا كر كو هاریكاریا هێزێن پێشمەرگەیێ كوردستانێ كری یە، سوپاسیا هەمی وان لایەنان ژی مە كر یێن ب هەر رەنگەكی پشكداربووین دشەرێ داعش دا و هاریكاریا پێشمەرگەی كری، بەلێ دگەل وێ چەندێ ژی دا پێدڤییە هەمی لایەك بزانیت كو ئەوا ل سەر ئەرزێ واقعی دا ب خوین و قوربانیدانا خو كوردستان ژ هێرشێن داعش پاراستی هێزێن پێشمەرگێ كوردستانێ بوون، چ كەس و لایەن نەشێن وێ راستیێ ڤەشێرن كو ئەڤسانەیا داعش ل سەر دەستێ كورێن قارەمانێن كوردستانێ هاتییە شكاندن.
مەسعود بارزانی
27ی كانونا دووێ 2021ێ
