سەروك بارزانی دپەیامەكێدا ئیدانا هێرشێن تیروستی یێن باژێرێ بەغدا دكەت و دبێژیت تیرور دژی ژیان خوشیێ و ئارامیێ یە و دوژمنێ هەڤپشكێ مە هەمییانە.
ئەڤەژی دەقێ پەیاما سەروك بارزانی یە
بناڤێ خودێ مەزن و دلوڤان
ب خەمەكا مەزنڤە ئەڤرو پێنچ شەمبی 21كانونا دووێ 2021ێ ژ ئەنجامێ دوو كریارێن تیرورستی ل باژێۆێ بەغدا ژمارەكا زورا وەلاتیێن بێ تاوان شەهیدوبرینداربوون زێدەباری وێ چەندێ كو ب دژواری ئیدانا وێ تاوانا تیرورستی سەرەخوشیێ ل بنەمالێن شەهیدو قوربانیێن وان رویدانان دكەم و هیڤیا ساخیێ بو برینداران دخوازم.
تیرور دژی ژیان و خوشی و ئارامیێ یە و دوژمنێ هەڤپشكێ مە هەمییانە و بو ژناڤبرن ژ رهـ هەلكێشانا تیرورێ هەماهنگیا بەردەوام یا هەمی لایەكی یا پێدڤی یە.
هیڤیدارم ب بزاڤێن لایەنێن پەیوەندیدار ب زویترین دەم ئەوێن ل پشت ڤان تاوانا بگەهنە سزایێ خو.
مەسعود بارزانی
21ی كانونا دووێ 2021ێ
