ئەڤڕۆ مەسرور بارزانی سەرۆکێ حکوومەتا هەرێما کوردستانێ، پێشوازی ل ئارتاک ئاپیتۆنیان، جێگرێ وەزیرێ ده‌رڤه‌یێ ئەرمەنستانێ کر، د دیداركێ دا کو باڵیۆزێ ئەرمەنستانێ ل عیراقێ و کونسوڵێ گشتی ل هەولێرێ دئامادە بوون، گه‌شه‌پێدانا پەیوەندیێن دیروكى د ناڤبه‌را هەرێما کوردستانێ و ئەرمەنستانێ هاته گه‌نگه‌شه‌كرن
جێگرێ وەزیرێ ده‌رڤه‌یێ ئەرمەنستانێ، بۆ ب هێزکرنا پەیوەندیان دگەڵ هەرێما کوردستانێ ل گشت بیاڤان دا، خواست و ئامادەیا وه‌ڵاتێ خو نیشان دا، هه‌روه‌سا سوپاسیا هەرێما کوردستانێ ژى کر بۆ گرنگیدانا وان ب ئەرمەنێن هەرێما كوردستانێ کو نوینەرایەتیا وان ل پەرلەمانێ کوردستانێ هەیە و وەک گشت پێکهاتێن دى ، مافێن وان د پاراستى نه.
سەرۆکێ حکومەتا هه‌رێما كوردستانێ پیرۆزباهیا ڤه‌كرنا کونسوڵخانا گشتیی و ناڤەندا ڕۆشنبیریا ئەرمەنیی ل هەولێرێ کر، هه‌روه‌سا هیڤی خواست کو هاندەره‌کێ زیده‌تر بن، بۆ موكومكرنا پەیوەندیێن د ناڤبه‌را هەرێما کوردستانێ و ئەرمەنستانێدا.
