ئه‌ڤرو مەسرور بارزانى سه‌روكێ حكومه‌تا هه‌رێمێ پێشوازى ل ل ئۆسمان غانمی وه‌زیرێ نافخو یێ حكومه‌تا عیراقێ كر ودهه‌ڤدیتنه‌كێدا دان وستاندن لدور پێشڤه‌چوونێن هەماهەنگییا ئێمناهیێ د ناڤبه‌را حکومەتا هەرێما کوردستانێ و حکومەتا فیدرال دا كر، ب تایبه‌تى پرسا هێرشا مووشه‌كیا سەر هەولێرێ كو ژ ئەنجامێ هەماهەنگیا باش یا دناڤبه‌را هه‌ولێڕێ و به‌غدا دا ئەنجامێن باش ب دەستڤه‌هاتین.
ددیدارێدا دوپاتى ل گرنگییا بجهئینانا رێککەفتنا شنگالێ و دەرچوونا میلیشا و هێزێن چەکدارێن نه‌قانوونى ل دەڤەرێ كر.
سەرۆکێ حکومەتا هه‌رێما كوردستانێ سوپاسییا وەزیرێ ناڤخوهیا فیدرال كر بۆ بزاڤێن وان بۆ چارەسه‌رکرنا ئاریشان، ئاماژە ژى ب بەردەوامییا سیاسەتا گوهۆرینا دیموگرافی و زێده‌گاڤییا سەر وه‌لاتیێن کورد و داگیرکرنا زه‌ڤیێن ل کەرکووکێ و ده‌ڤه‌رێن کوردستانی ژ دەرڤه‌ى ئیدارەیا هەرێمێ کر و گۆت: ئەو ره‌وشا نه ئاسایی ونه دەستووریه، و د بەرژەوەندیا خەلکێ عیراقێ دا نینە و پێدڤییه رێگری لێ بهێته كرن.
دان وستاندنێن هەرێما کوردستانێ و حکومەتا فیدرال یێن تایبەت ب بودجا عیراقێ بۆ ساڵا 2021 و هەڵبژارتنێن بهێن یێن عیراقێ، تەوەره‌كێ دیێ دان و ستاندنان بوو.
