روسیا هێرشێن ئاسمانى بو سهر گروپێن چهكدارێن عێراقی یێن لایهنگرێن ئیرانێ ل سوریا ب نه قانونى پێناسه دكهت .
ئهڤرو سێركى لاڤروف وهزیرێ دهرڤهیێ روسیا راگههاند ، چهند خولهكهكا بهرى هێرشێ ل سهر سوریا ، ئهمریكا د وێ هێرشێ دا ئهم ئاگههدار كربوین
سێركى لاڤروڤ وهزیرێ دهرڤهیێ روسیا د كونگرهكێ روژنامهڤانى یێ ههڤپشك دا دگهل ههڤكیفێ خو یێ ئهڤغانى گوت ، بهرى هێرشا ئهمریكا بو سهر گروپێن چهكدار ب چوار بو پێنج خولهكان لهشكرێ مه ئاگهداربوویه و ئهم هێرشا ئاسمانى یا ئهمریكا بو سهر سوریا ئیدانه دكهین ، داخواز دكهین واشنتون رێزێ ل سهروهریا كومارا سوریا بگریت
ڤلادمیر جهباروڤ جێگرێ سهروكێ كاروبارێن دهولهتى ل جڤاتا فیدرالى یا روسیا راگههاند ، هێرشێن ئاسمانى یێن ئهمریكا بو سهر گروپێن چهكدارى یێن عێراقێ ل سوریا نه قانونى یه و دیمهشق دشێت سكالێ ل جڤاتا ئاسایشێ توماركهت و داخوازا كومبونا نه قانونى بكهت
جهباروڤ گوت ژى ، لهشكرێ سوریا سیستهمێ دژى موشهكان ئێس 300 ههیه و پێدڤیه ئهمریكا د ئهنجامدانا هێرشێن ئاسمانى دا گهلهك یا هشیار بیت
شهرێ بورى د بومبهكرنهكا ئاسمانى دا هێزێن ئهمریكا بو سهر دهڤهرێن سنورێ سوریا دگهل عێراقێ 17 چهكدارێن ملیشیاتێن كهتائیبى حزبولا و سهیدولشوههدا هاتنه كوشتن