فه‌ریق جه‌مال ئێمینكى سوپا سالارێ وه‌زاره‌تا پێشمه‌رگه‌ى بو مالپه‌رێ فه‌رمى یێ پارتى دیموكراتى كوردستان راگه‌هاند ، ل ده‌ڤه‌رێن خانه‌قین و قه‌ره‌ته‌په و جه‌باره حه‌تا روژئاڤایێ كه‌ركوكێ ودگه‌هیته مه‌خمور روژ بو روژێ لڤینێن چه‌كدارێن داعش زێده‌تر دبن ، ئه‌گه‌رێن وى ژى بو هه‌بونا ڤالاهیه‌كا ئه‌منى چ دناڤبه‌را هێزێن عێراقێ بیت یان دناڤبه‌را هێزێن پێشمه‌رگه‌ى و هێزێن عێراقێ دا بیت دزڤریت، تیرویستێن داعش ده‌لیڤه دیتیه بو ده‌ستپێكرنا لڤینێن زێده‌تر ل هنده‌ك ده‌ڤه‌ران دا ب ئازداى هاتنوچوونێ دكه‌ن و روژ بو روژێ تیروریستێن داعش ته‌كتیكا خو دگوهورن، سوپا سالارێ وه‌زاره‌تا پێشمه‌رگه‌ى گوت حه‌تا نوكه ئه‌م و عیراق نه‌گه‌هشتینه چ رێكه‌فتنێن ئه‌منى و له‌وما ئه‌و ڤالاهیه په‌یدابویه و داعش بخو ب ده‌لیڤه دیتیه
فه‌ریق جه‌مال ئێمینكى رونكر ژى ، به‌رده‌وام رێنمایى و پێزانینان دده‌ینه هێزیێن پێشمه‌رگه‌ى ،هه‌روه‌سا گوت سروشتێ هنده‌ك ده‌ڤه‌ران ئه‌گه‌ره كو چه‌كدارێن داعش تێدا كریارێن تیروریستى ئه‌نجام بده‌ن ، ژوان جهان ژى ده‌وروبه‌رێن خانه‌قین و چیایێ قه‌ره‌چوغ ،هه‌روه‌سا دیاركر پێشمه‌رگه د ئاماده‌باشیێ دایه و رێكێ ناده‌ن تیرورست چ كریارێن تیرورى ل وان ده‌ڤه‌ران ئه‌نجام بده‌ن
