سه‌رۆك مه‌سعوود بارزانى په‌یامه‌ك د بیره‌وه‌ریا سه‌رهه‌لدانا گه‌لێ كوردستانێ دا به‌لاڤكر و ب ڤێ هه‌لكه‌فتێ پیرۆزباهى ل خه‌لكێ كوردستانێ و مالباتێن شه‌هیدان و پێشمه‌رگه‌یێن قه‌هره‌مان و هه‌مى خه‌باتكار و ئازادیخواز و نشیمانپه‌روه‌ر و خه‌لكێ كوردستانێ كر سه‌رۆك بارزانى دبێژیت: سه‌رهه‌لدانێ بۆ دوژمن و دۆستێن گه‌لێ كورد سه‌لماند كو سته‌م و هێرش چ جاران نه‌شێن ئیراده‌یا ئازادیخوازا د ناخێ گه‌لێ كوردستانێ دا ب ڤه‌مرینن، سه‌رهه‌لدان هه‌لگرا بها و ئارمانجێن پیرۆز بوو بۆ وێ چه‌ندێ گه‌لێ كوردستانێ ئازاد بیت و ژیانه‌كا ب سه‌ربلندى ل وه‌لاتێ خۆ دا هه‌بیت سه‌رۆك بارزانى دوپات كریه: قه‌واره‌یێ هه‌رێما كوردستانێ ئێكه ژ به‌رهه‌مێن سه‌رهلدانا خه‌لكێ هه‌رێما كوردستانێ و ده‌ستكه‌فته‌كێ گرانبهایێ گه‌لێ كوردستانێ یه، ئه‌و ده‌ستكه‌فت ژى دڤێت بهێته پاراستن و بهێته بهێزكرن و نابیت ب چ شێوه‌یان كار بۆ لاوازكرنێ بهێته‌كرن
