ئه‌ڤرو ل سه‌لاحه‌دین سه‌روك مه‌سعود بارزانى پێشوازى ل سیداتى شێخ وه‌له‌د ئه‌حمه‌د عه‌یشه بالیوزێ موریتانیا ل عیراقێ كر
دهه‌ڤدیتنه‌كێ دا بالیوزێ موریتانیا ل عیراقێ ب هه‌لهكه‌فتا بدویماهیك هاتنا ئه‌ركێن وى وه‌ك بالیوزێ موریتانیا ل عیراقێ سه‌ره‌دانا سه‌روك بارزانى كر و په‌سنا خه‌بات و قوربانیدانا گه‌لێ كوردستانێ و فه‌رهه‌نگا ئاشتى خوازى و پێكڤه ژیانێ ل هه‌رێما كوردستانێ كر و ئاماژه ب وێ چه‌ندێ دا كو ژێرخانه‌كا بهێز ل هه‌رێما كوردستانێ هه‌یه كو ببیته فاكته‌ر بو پاشه‌روژه‌كا باشتر بو هه‌رێما كوردستانێ و خواست ژلایێ ئابورى و وه‌به‌رهێنانێ ڤه په‌یوه‌ندیێن هه‌رێما كوردستانێ دگه‌ل موریتانیا و وه‌لاتێن كیشوه‌رێ ئه‌فریقیا پیشڤه‌چونێ بخوڤه ببینیت
سه‌روك بارزانى هیڤیا سه‌ركه‌فتنێ بو بالیوزێ موریتانیا ل عیراقێ خواست د كار و ئه‌ركێن وى یێن پاشه‌روژێ دا و دووپاتى لسه‌ر پێشڤه‌برنا په‌یوه‌ندیان دگه‌ل موریتانیا و وه‌لاتێن ئه‌فریقیى كر
