ئه‌ڤرۆ ل سه‌لاحه‌دین سه‌روك مه‌سعود بارزانى پێشوازى ل خانم تونى ئالێرز بالیوزا نه‌رویژ ل عیراقێ كر و دیداره‌كێ دا كاودانێن سیاسى ل عیراقێ و دویماهى پێشهاتێن ل سه‌ر ئاستێ ده‌ڤه‌رێ و گه‌فێن تیرورێ به‌حسكرن و روناهى ئێخسته سه‌ر هه‌لبژارتنێن بهێت یێن عیراقێ و ته‌حه‌دێن به‌رامبه‌ر پرۆسه‌یا سیاسى ل عیراقێ.
هه‌ر دوێ كومبوونێ دا پێنگاڤێن دهێنه هاڤێتن بۆ پێكئینانا ناڤه‌نده‌كا هه‌ماهه‌نگیێ یا هه‌ڤپشك دناڤبه‌را هێزێن پێشمه‌رگه‌ى و هێزێن ئه‌منى ل عیراقێ و هه‌‌روه‌سا رێكخستن و چاكسازیێن وه‌زاره‌تا پێشمه‌رگه‌ى ب ئه‌رێنى هاتنه وه‌سفكرن.
په‌یوه‌ندێن دناڤبه‌را هه‌رێما كوردستانێ و وه‌لاتێ نه‌رویژ ته‌وه‌ره‌كێ دى یێ وێ دیدارێ بوون سه‌روك بارزانى سوپاسیا رول و كاریگه‌ریا نه‌روێژ كر ژ بۆ هاریكاریا ئاواره‌یان و پشكداریا وان ل هاڤپه‌یمانێا ده‌وله‌تى یا شه‌رێ دژى داعش دا.
