ئهڤرو ل سهلاحهددین سهروك مهسعود بارزانى پێشوازى ل دكتور نهسر ههریرى سهروكێ ئیتیلافا نیشتیمانى یاسوریا وشاندێ دگهلدا كر . دكومبونهكێ دا رهوشا سیاسیا سوریا ودوماهیك پێشهاتێن لسهر ئاستێ سوریا ودهڤهرێ گهنگهشهكرن . وسهروكێ ئیتیلافا نیشتیمانى یاسوریا سوپاسیا سهروك بارزانى وههرێما كوردستانێ كر كو ههرده م ههفسوزێ نههامهتى وگرفت وكێشێن خهلكێ سوریا بوینه وپێشوازى ل سهدان هزار ئاواره وپهنابهرێن سورى كریه . ههر وهسا بیرهاتنێن ههیڤا ئادارێ بلند نرخاندن كو پشكهكا گرنگ ژ خهباتا گهلێ كوردستانێ پێكدئینن . ههر دوێ كومبونێ دا سهروك بارزانى تهئكید كر كو دگهل وێ چهندێ یه كو قهیرانا سوریا بگههیته چارهسهریهكا وهسا كو ئارامى وتهبایێ دناڤبهرا گهلێن سوریا وههمى پێكهاتاندا ههبیت. ههر وهسا ب شاندێ مێڤان راگههاند كو ئهوا ل عهفرینێ رویدایى جهێ دلگرانیێ یه وب گرنگى سهحدكهینه پێشهات و رویدان وپاشهروژا گهلێ سوریا وهیڤى ژى خواست كو دپاشهروژا سوریا دا بهرژهوهندیا گهلان وپێكهاتێن سوریا لبهرچاڤ بهێته وهرگرتن
