ئه‌ڤرو ل سه‌لاحه‌دین سه‌روك مه‌سعود بارزانى پێشوازیا ئارتاك ئاپیتونیان جێگرێ وه‌زیرێ ده‌رڤه یێ ئه‌رمینیا و شاندی دگه‌ل دا كر .
د دیداره‌‌كێ دا جێگرێ سه‌روك وه‌زیرێن ئه‌رمینیا پێزانین بو خه‌بات و وه‌ستیانا سه‌روك بارزانى هه‌بوون كو ژیانا خو بو ئازادى و مافێن نه‌ته‌وه‌یى ته‌رخان كریه و هه‌روه‌سا سوپاسیا سه‌روك بارزانى كر بو پاراستن و بهێزكرنا پێكڤه‌ژیانێ و پاراستنا مافێن ئه‌رمه‌نان ل هه‌رێما كوردستانىێ .
هه‌ر د دیدارێ دا سه‌روك بارزانى ئاماژه دا په‌یوه‌ندیێن دێرینێن گه‌لێ كوردستانێ و گه‌لێ ئه‌رمینیا و دیاركر كو په‌خشێ ئێكێ یێ رادیویا كوردى ل ئێریڤان پایته‌ختێ ئه‌رمینیا به‌لگه‌یه ل سه‌ر په‌یوه‌ندیێن دیروكى و فه‌رهه‌نگا دناڤبه‌را هه‌ردوو گه‌لاندا و خوشحالیا خو ده‌ربرى ب په‌یوه‌ندیێن دناڤبه‌را هه‌رێما كوردستانێ و ئه‌رمینیا كو به‌رفره‌هتر لێ بهێن .
