سهروك مهسعود بارزانى بههلكهفتا بیرهوهریا كارهساتا نههێ حوزێرانێ پهیامهك بهلاڤكر.
سهروك بارزانى دپهیامێ دا راگههاند ل دیروكا خهباتا گهلێ مهدا روژ نینه بیرهوهریا كارهسات وقوربانى دان وقارهمانیا گهلێ مه تێدا نهبیت.
بهرى پێنجى وههشت سالان ل نههێ حوزێرانا سالا 1963 دا ژمارهكا ئازادیخوازێن سلێمانیێ ژبهر وێ چهندێ كو ئامادهنهبون سڤكاتیێ ب هێمایێ نهتهویێ خو بكهن بدهستێ تاوانبارێ وى دهمى زهعیم سهدیق هاتنه شههیدكرن . ئهو شههیدێن نهمرێن سلێمانیێ ب قوربانى دانا خو وانهیهكا پر بهایێن ئازایهتى وئازادیخوازیێ بو گهلێ خو دیاركر . سهروك بارزانى گوت ژى بیست ودوو سالان پشتى تاوانا زهعیم سهدیق ههر ل روژهكا وهكى ئهڤرو دا ل نههێ حوزهیرانا سالا 1985 دا دهستێ دوژمنى گههشته گیانێ پاقژێ پهنابهران و فروكێن رژێما وى دهمى یا عیراقێ ب رهنگهكێ درندانه ئوردیگایێ زێوه یێ پهنابهران بومبارانكر و ب سهدان ژن وزاروكێن بێ گونههێن پهنابهر وئاواران شههید وبرینداربون. سهروك مهسعود بارزانى دپهیاما خو دا راگههاند ژى كو دوژمنى وهسا هزردكر كو ب شههیدكرن وئازاردان وسوتاندنا ژن وزاروك وئازادیخوازێن كوردا دێ شێت ئیرادا گهلێ كوردستانێ شكێنیت. بهلێ ئیرادا گهلێ كوردستانێ بو مان وخهبات وتێكوشانێ گهلهك ژ فروكه وئاگر وئهشكهنجهدانا دوژمنى بهێزتره. ولدوماهیێ مه چارهنڤیسێ دوژمن ونهیارێن گهلێ مه دیت وئیرادا بلندا گهلێ مه بسهر دوژمنێ بێ ویژدان سهركهفت. بسهربلندى بیروهریا شههیدێن ههردوو كارهساتێن نههێ حوزێرانێ وههمى شههیدێن رێكا ئازادیخوازیا كوردستانێ ساخ دكهین وخوینا شههیدێن مه چرایێ ریكا مه یا نوكه و وپاشهروژێ یه
