سه‌روكێ هه‌رێمێ پێشوازیا وه‌زیرێ ده‌وله‌تا هه‌نگاریا بو كاروبارێن كریستیانان دكه‌ت

   ئه‌ڤرو نێجیرڤان بارزانى سه‌روكێ هه‌رێما كوردستانێ پێشوازیا تریستان ئێزبێج وه‌زیرێ ده‌وله‌تا هنگاریا بو كاروبارێن كریستیانان كر .

د دیداره‌كێ دا نێجیرڤان بارزانى سوپاسى و پێزانینێن هه‌رێما كوردستانێ بو هاریكاریێن مروڤى یێن وه‌لاتێ هنگاریا بو ئاواره‌ و په‌نابه‌ران ب تایبه‌ت ئاواره‌یێن كریستیان و ئێزدى ل هه‌رێما كوردستانێ پیشكێشى شاندێ مێڤان كرن .

وه‌زیرێ ده‌وله‌تا هنگاریا بو كاروبارێن كریستیانان سوپاسیا هه‌رێما كوردستانێ كر بو شه‌رێ دژى داعش و رولێ پێشمه‌رگه‌ى د پاراستنا پێكهاتان دا و ب تایبه‌تى پاراستنا كریستیان و ته‌ئكید ل سه‌ر به‌رده‌وامیا پێگیریا وه‌لاتێ خو ب پێشڤه‌برنا په‌یوه‌ندیان دگه‌ل هه‌رێما كوردستانێ كر .

هه‌روه‌سا په‌سنا كلتورێ پێكڤه‌ژیانێ و لێبورینێ و ئێكدوو قه‌بیلكرنێ دناڤبه‌را پێكهاتێن ئایینى و نه‌ته‌وه‌یى ل هه‌رێما كوردستانێ كر .