ئه‌ڤرو نێچیرڤان بارزانى سه‌روكێ هه‌رێما كوردستانێ دگه‌ل خاتوین تون ئالێرس بالیوزا وه‌لاتێ نه‌رویج كومبوو .
د كومبوونێدا ره‌وشا ئاواره و په‌نابه‌ران ل كه‌مپێن هه‌رێما كوردستانێ و پێنگاڤێن دانوستاندنێن هه‌ولێر و به‌غدا بو چاره‌سه‌ركرنا كێشان و رێككه‌فتنا حكومه‌تا فیدرال و حكومه‌تا هه‌رێمێ بو ئاساییكرنا ره‌وشا شنگال و ره‌وشا ده‌ڤه‌رێن مادێ 140 یێ دستورى و پرسا بودجه‌یا گشتى یا عیراقێ و هه‌لبژارتنێن بهێت یێن عیراقێ هاته به‌حسكرن.
نێچیرڤان بارزانى ته‌ئكید ل سه‌ر ئاماده‌یى و حه‌زا هه‌رێما كوردستانێ بو چاره‌سه‌ركرنا تمام یا كێشه‌یان دگه‌ل عیراقێ و گرنگیا بجهئینانا سیسته‌مێ فیدرالى كر، هه‌روه‌سا دڤى بیاڤى دا رولێ هاریكارییا نه‌ته‌وێن ئیێگرتى و كومه‌لگه‌ها ده‌وله‌تى ب گرنگ ل قه‌له‌م دا .
