ئه‌ڤرو نێچیرڤان بارزانى سه‌روكێ هه‌رێما كوردستانێ پێشوازى ل عه‌بدلمنعم ئه‌ل عه‌ودات سه‌روكێ په‌رله‌مانێ شاهنشینا ئوردونى یا هاشمى وشاندێ دگه‌لدا كر كو پێكهاتبون ژ دكتور مونته‌سه‌ر ئه‌لعه‌قله بالیوزێ شاهنشینا ئوردونێ ل عیراقێ وژماره‌كا په‌رله‌مانتارێن په‌رله‌مانێ شاهنشینا ئوردونێ . دیدارێ دا دا كو سه‌روكا په‌رله‌مانى وجێگرێن سه‌روكێ هه‌رێما كوردستانێ وجێگرێن سه‌روكێ په‌رله‌مانى ووه‌زیرێ كاروبارێن په‌رله‌مانى وبالیوزێ ئوردون ل عیراقێ ئاماده‌بون سه‌روكێ په‌رله‌مانێ ئوردونێ سلاڤێن شاه عه‌بدوللا پاشایێ ئوردونێ ب سه‌روك بارزانى گه‌هاندن ورێز وسوپاسیێن خو ووه‌للاتێ خو بو خه‌بات وماندیبونا سه‌روك بارزانى وهه‌ر وه‌سا قوربانى دانا پێشمه‌رگه‌ى وگه‌لێ كوردستانێ دشه‌رێ تیرورێ دا راگه‌هاند وته‌ئكید ل وێ چه‌ندێ كر كو وه‌لاتێ وى هیڤیخوازه كو سه‌قامگیری وپێشڤه‌چونا هه‌رێما كوردستانێ گه‌شه‌یه‌كا مه‌زنتر بخوڤه ببینیت وپه‌یوه‌ندیێن هه‌ردولا لسه‌ر بنه‌مابێ دوستایه‌تى وبه‌رژه‌وه‌ندیێن هه‌ڤبه‌ش وسه‌قامگیریا عیراقێ به‌رفره‌هتربن . هه‌ر ددیدارێ دا شاندێ په‌رله‌مانێ ئوردونێ ئه‌وژى به‌رچاڤكر كوكه‌لێ ئوردونێ سوزێن تایبه‌ت بو گه‌لێ كوردستانێ هه‌یه ول ئازار ودوزا گه‌لێ كوردستانێ ب باشى تێدگه‌هن هه‌ر ددیدارێ دا په‌یوه‌ندیێن هه‌رێما كوردستانێ وشاهنشینا ئوردونى وچه‌وانیا به‌ره‌وف پێشڤه‌برنا وان گه‌نگه‌شه‌كر . وهه‌ردو لا ئه‌و په‌یوه‌ندى ب مێژویى ل قه‌له‌م دان . شاندێ ئوردونى به‌رده‌وامیا پشتگیریا شاهێ ئوردونێ عه‌بدوللا وشاهنشینا ئوردونا هاشمى بو هه‌رێما كوردستانێ دوپات كر ورێز سوپاسیێن خو بو رولێ هه‌رێما كوردستانێ دشه‌رێ دژى تیرورێ وشكاندنا داعش دوپات كر وب گرنگى ڤه به‌حس ل رول وپێگه‌هێ هه‌رێما كوردستانێ لسه‌ر ئاستێ عیراقێ وده‌ڤه‌رێ بو پاراستنا هه‌ڤسه‌نگی وسه‌قامگیریێ كر . ژلایێ خوڤه سه‌روك نێچیرڤان بارزانى سوپاسی وپیزانینێن هه‌رێما كوردستانێ بو پشتگیریا به‌رده‌واما به‌رێز شاه عه‌بدوللایێ دویێ وئوردونێ چ لسه‌ر ده‌مێن سه‌ختین بورى وچ ل نوكه ل هه‌رێما كوردستانێ دوپات كر وخاستا هه‌رێما كوردستانێ بو پێشڤه‌چونێ دهه‌مى بیاڤێن په‌یوه‌ندیان دگه‌ل ئوردونێ نیشا دا . ره‌وشا ئه‌منى یا عیراقێ وهه‌رێما كوردستانێ وپێشڤه‌برنا بیاڤێن هاریكارى وهه‌ڤبه‌شیێ دا وهه‌لبژارتنێن داهاتى یێت عیراقێ ومه‌ترسیێن تیرورێ وروى بِریبونا داعش وبه‌تایا كوڤید 19 وده‌رفه‌تێن كارو وبه‌رهێنانێ ل هه‌رێما كوردستانێ وپه‌یوه‌ندیێن هه‌ولێر وبه‌غدا ودانوستاندنێن چاره‌سه‌ركرنا كێشه‌یان دگه‌ل چه‌ند بابه‌ته‌كێن جهێ پیته‌دانێ ته‌وه‌ره‌كێ دیێ ڤێ روینشتنێ بو
