نێچیرڤان بازانى سهرۆكێ ههرێما كوردستانێ پێشوازى ل محهمهد بن سلێمان ئهلعسێرى قونسولێ نوى یێ گشتیێ عهرهبستانا سعودیێ ل ههرێما كوردستانێ كر.
د ههڤدیتنهكێ دا نێچیرڤان بارزانى پیرۆزباهیا دهست بكاربوونێ ل قونسولێ نوى یێ گشتیێ سعودیێ ل ههرێمێ كر و هیڤیا سهركهڤتنێ بۆ خواست و پشتهڤانییا لایهنێن پهیوهندیدار بۆ سهركهفتنا وى د ئهك و كارێن وى دا نیشان دا.
ههروهسا سوپاسیا ستافێ قۆنسولخانا سعودیێ كر بۆ ئهرك و خزمهتا وان ل ههرێما كوردستانێ و هیڤیا پێشكهڤتنێن زێدهتر د پهیوهندیێن ئیراقێ و ههرێما كوردستانێ ل گهل سعودیێ خواست.
ژلایێ خۆڤه قونسلێ گشتیێ نوی یێ سعودیێ خوشحالیا خۆ ب دهست بكاربوون ل ههرێما كوردستانێ نیشان دا و دووپاتكر، دێ ههمى بزاڤان كهت بۆ پتر گرنگیدان ب پهیوهندیێن ههرێما كوردستانێ ل گهل وهلاتێ سعودیه و بهرفرههكرنا بیاڤێن هاریكارى و ههڤپشكیێ دناڤبهرا ههردوو لایان دا.
ههروهسا رهوشا دهڤهرێ ب گشتى، پهیوهندیێن ئیراقێ و ههرێما كوردستانێ ل گهل وهلاتێن جیران، دهرفهتێن كارى و وهبهرهێنانا بیانى ل ههرێما كوردستانێ و چهند بابهتێن دى یێن جهێ گرنگیدانا ههردوو لایان هاتنه گهنگهشهكرن
