ئه‌ڤرۆ نێچیرڤان بارزانى سه‌روكێ هه‌رێما كوردستانێ ب ئاماده‌بوونا رێواز فایق سه‌روكا په‌رله‌مانێ كوردستانێ و به‌نگین قاسم محه‌مه‌د سه‌روكێ جڤاتا دادوه‌رى یا هه‌رێما كوردستانێ فه‌رمانا هه‌ریمى بۆ مونا یوخه‌نا یاقو ئیمزا كر و وه‌كو سه‌روكا ده‌سته‌یا سه‌ربه‌خویا مافێن مرۆڤى ده‌ست ب كاربوو.
د وان رێ و ره‌سمان دا نێچیرڤان بارزانى سه‌روكێ هه‌رێما كوردستانێ پشته‌ڤانیا خو بۆ كار و ئه‌ركێن ده‌سته‌یا سه‌ربه‌خویا مافێن مروڤى و سه‌روكا وێ مونا یوخه‌نا دوپاتكر و هیڤیا سه‌ركه‌فتنێ بۆ خاست
لدویڤدا ب ئاماده‌بوونا سه‌روكێ هه‌رێما كوردستانێ و سه‌روكا په‌رله‌مانێ كوردستانێ سه‌روكا ده‌سته‌یا سه‌ربه‌خویا مافێن مرۆڤى به‌رامبه‌رى سه‌روكێ جڤاتا دادوه‌رى سویندا قانونى خار.
