سه‌رۆكێ نوینه‌راتیا حكومه‌تا هه‌رێما كوردستانێ ل به‌غدا راگه‌هاند: بریاربوو به‌ری سه‌رێ سالێ سه‌رۆكێ هه‌رێما كوردستانێ سه‌ره‌دانا به‌غدا بكه‌ت، به‌لێ سه‌ره‌دان هاته پاشئێخستن بۆ ده‌مه‌كێ دی.
فارس عیسا گۆتی ژی كو نێچیرڤان بارزانی د سه‌ره‌دانا خویا چاڤه‌رێكری دا ، ب مه‌ره‌ما لێكنێزیكرنا هه‌ولێر و به‌غدا بوو، و دا دگه‌ل حزب و لایه‌نێن سیاسێن عیراقێ كوم بیت.
هه‌رچه‌نده د میدیایێن عیراقی دا هاتبوو به‌لاڤكرن كو سه‌ره‌دانا نێچیرڤان بارزانی بۆ ئیمزاكرنا رێككه‌فتنا هه‌ولێرێ و به‌غدا بوو ل سه‌ر قانونا بۆدجا 2021ێ یا عیراقێ، به‌لێ فارس عیساى ئه‌ڤ چه‌نده ره‌تكریه كو سه‌ره‌دانا وی بۆ ڤێ مه‌به‌ستێ بیت.
