ئهڤرۆ نێچیرڤان بارزانى سهرۆكێ ههرێما كوردستانێ پێشوازى ل مارتن هۆس بالیۆزێ ئێكهتیا ئهوروپا ل عیراقێ كر.
د كۆمبوونهكێ دا كو ڤێنست گیوم پۆپۆ بهرپرسێ نڤێسینگهها ئێكهتیا ئهوروپا ل ههولێرێ یێ ئامادهبوو، دووماهى پێشهاتێن سیاسى و ئێمناهى یێن عیراقێ و پهیوهندیێن ههولێر و بهغدا و دانوستاندنێن چارهسهركرنا كێشێن دناڤبهرا وان و پهیوهندیێن ههرێما كوردستانێ و عیراقێ دگهل جڤاكێ دهولهتى و بزاڤێن ئامادهكرنا پرۆژێ دستورێ ههرێما كوردستانێ و ههلبژارتنێن بهێت یێن عیراقێ هاتنه گهنگهشهكرن.
ههدوو لا دووپاتى ل گرنگى یا پهیوهندیێن عیراقێ و ههرێما كوردستانێ دگهل وهلاتێن ئێكهتیا ئهوروپا و بهرفرههكرنا بیاڤێن هاریكاری و ههماههنگیا دناڤبهرا وان كر، ههروهسا ههڤرا بوون كو عیراق و ههرێما كوردستانێ د گهلهك بیاڤان دا پێدڤى ب هاریكاریێن زێدهتر یێن ئێكهتیا ئهوروپا ههیه.
رهوشا ههرێما كوردستانێ و ئازادیا رادهربرینێ و دیموكراسی و مافێن مرۆڤى تهوهركێ دى یێ كۆمبوونا وان بوو، تێدا سهرۆك نێچیرڤان بارزانى دووپاتى ل هندێ كر كو ههرێما كوردستانێ دێ ل سهر رێكهكا راست بیت و بها و چهمكێن ههڤپشك ل گهل جیهانا پێشكهڤتى دا دێ پارێزیت.