مه‌سرور بارزانى سه‌روكێ حكومه‌تا هه‌رێما كوردستانێ پشتى گوهداریكرنا ژماره‌كا گه‌نجێن ئافرێنه‌ر و خودان هزر ل كوردستانێ كرى، راگه‌هاند: حكومه‌ت برێكا كاركرنا هه‌ڤپشك پیگیره ب وه‌رگرتنا هزر و دیتن و بوچونێن هه‌مى خه‌لكێ كوردستانێ
سه‌روكێ حكومه‌تا هه‌رێما كوردستانێ د هژمارا خو یا تایبه‌ت دا ل تورا جڤاكى یا فه‌یسبوكى پارچه ڤیدیویه‌ك ل ده‌مێ پێشو‌ازیكرن و گوهداریكرنا هژماره‌كا گه‌نجێن ئافرێنه‌ر به‌لاڤركریه و نڤێسیه ، ڤێ حه‌فتیێ مه ده‌مێ خو ته‌رخانكریه بو گوهداریكرنا هنده‌ك ژ وان گه‌نجان یێن خودان هزر ل كوردستان ئه‌وێن دیتن و بوچونێن نوى هه‌ین د هه‌مى بیاڤان دا ، سه‌روكێ حكومه‌تا هه‌رێما كوردستانێ ئاماژه ب وێ چه‌ندێ كر حكومه‌تا هه‌رێمێ گرنگیه‌كا تایبه‌ت ب پێشئیخستنا كه‌رتێ تایبه‌ت دایه هه‌روه‌سا دێ گرنگیێ ب هزر و دیتنێن نوى ژى ده‌ت
ئه‌و گه‌نجێن دگه‌ل سه‌روكێ حكومه‌تا هه‌رێما كوردستانێ كومبوین به‌حسێ وان ئاریشه و ئاسته‌نگان كر یێن كو ل ده‌مێ كاركرنا وان دا دهێنه پێش، هه‌روه‌سا ئه‌و گه‌نج ب پشكداریا خو د كومبونا دگه‌ل سه‌روكێ حكومه‌تێ دا خوشحالبون و سوپاسیا سه‌روكێ حكومه‌تێ كر بو وێ هه‌ڤدیتنێ
